|
جيت ارحب وانا يالربع ضيف امعزوم
السلام عليكم ورحمة الله وبركاته
يسعدني ويشرفني تواجدي وانضمامي الى هذا المنتدى الطيب بطيب ممن يتواجدون فيه جميعا مع فائق التقدير ================== جيت ارحب وانا يالربع ضيف امعزوم ... ودي العب مع اللي لاصبر يحتسب ياسلامي على اللي لاحضرنا يقوم ... يشتريها ولوهي شعلتن في حطب |
|
البقا وانت ضيف مقدراً ومحشوم === وانت مكسب وكنزاً من كنوز الذهب
كل طـيراً بجـنـحانه يطــير ويحوم== والمواقف لهلها بالرضـاء والغصـــب |
عاااااااااشو الشعار محاورة رااائعه
|
تسلم يابن ذويب ويابو بدر محاروة من الوزن الثقيل
|
مرحبا تراحيب المطر يابو بدر:
المواقف لاهلها جعل راسك يدوم ...وانت راع المواقف لانصوك العرب وتحتسب وقفة الرجال عند اللزوم ...والا بعض الاوادم لانصيته هرب |
اخواني ابو عمر وابو يوسف شكرا لتواجدكم لاعدمناكم
الاوصيكم على التشجيع :) |
تسلم عاش ابن ذويب
|
|
اسف على التأخير
المواقف لأهلها مير عطنا العلوم == واحتزم يا ذويب ياعــريب النـسـب حاسب للدفاع وحاسب للهجوم == شاعراً ما ضربت حساب لا طلق شنب |
المواقف لاهلها حي ذبّ الحزوم ... مايروم العوالي كود ذيبن قنب
هات عذبات قيفانك وعد النجوم ... خلنا نشلع الطاروق وهيجن طرب |
تو هـب الــبراد وراح حــر السـمـوم == ولو تعـد النجــوم اسهـيل نجمه قــرب أخذ قسمك وقسمي من خيار القسوم == ما تحصل وراء أبو بدر غير التعـب |
من يغوص البحر لابد وسطه يعوم ... مايهاب الهدير ولايخاف المهب
ويارفيقي محّار الدر دونه عقوم ... وشجرة اللوز مايطلع ثمرها عنب |
عاااشووووو الشعار
|
اشكر الشاعر بن ذويب على المحاورة الرااائعه التي تعد من الوزن الثقيل
كما اشكر جميع الشعراء والمتابعين بمنتديات العوامرة ولنا لقاء بطاروق جديد انشاء الله . |
بيض الله وجيهكم صصصح الله السنتكم امنياتي توواجدكم في المحاوره لانستغني عن الطواريق الجديده
|
| الساعة الآن 10:51 PM |
Powered by vBulletin™ Version 3.8.7
Copyright © 2026 vBulletin Solutions, Inc. All rights reserved.
.