|
الشاوي
السلام عليكم ورحمة الله وبركاته
اسعد الله مساكم /صباحكم بالمسرات اسمحولي في اول مشاركه في هذا الصرح الشامخ عسا ان تحوز على رضاكم يارا كبلي يزم النفس مركوبه = مزموم بديه ماكن القاع ياطابه كبر ومهابه وعزة نفس وعجوبه = في كل حاله مع الطرقه تهقوابه ماكنه الا ولد شيخاً ماهو دوبه = كل الرجاجيل تمدح فيه وتهابه لامر من عندهم تلافتو صوبه = يشدهم للنضر صوته وهندابه جنحانه الشقر منشوره على جنوبه = جنحان حراً يهز القاع مضرابه عليهن اسمه ورمز الصنع مكتوبه = والاسم الاخر مه اهل البر يزهابه عذروب من مصنعه يازين عذروبه = محذا ثلاثه فقط لاغير ركابه ماغير ياي وسست طوبه على طوبه = وتوانك اثنين مشروبه يعبابه هو منوة الشاوي الي ضيع ذهوبه = لابان رجماً عسير الدرب عدابه ومدام هذا هوى الشاوي مطلوبه = انا الحقيقه هواي وقصدي اولابه عليه اباعس عداً عذب مشروبه = زمانه الشين مدري ويش سوابه مبطي منه والرسايل شبه محجوبه = والي يجيب العلوم يجوز يغتابه وانا بخيصاً بحسناته وبذنوبه = من عفته لو تبا تصلي على ثيابه اعرف شرايد ذهوبه واعرف دروبه = واعرف سواقي عيونه واعرف ترابه لو لوحة اسمه شمال الخط مقلوبه = ماني بغاوي رجوم العد وهضابه واليا وصلته ونار الشيخ مشبوبه = امر بيت المعزه واتقهوابه بيتاً حباله على الشدات مكروبه = ماتهزه الريح لو تلفح على اطنابه والياخذا الضيف فنجاله ومطلوبه = ماله على معزبه شرهات وطلابه |
صح الله لسانك وبيض الله وجهك
|
شكرا لك اخوي المعزب على القصيدة الرئعة
واليا وصلته ونار الشيخ مشبوبه = امر بيت المعزه واتقهوابه بيتاً حباله على الشدات مكروبه = ماتهزه الريح لو تلفح على اطنابه |
شكرا لك على القصيدة الجزلة
|
بيض الله وجهك علي هالجزله ولاهنت |
حياك الله الرحال مرورك يشفني
|
هلا ابو سامي لاهنت على مرورك العذب
|
حياك الله بدر العويمري مرورك يزيدني شرف لاهنت
|
هلا عواد العويمري وجهك ابيض لاهنت
|
الله الله
صح السانك يابو صالح غني. عن التعريف يالمعزب ويشرفنا تواجدك معنا وانت شاعر والكل يتمنا ان تكون من المتواجدين في منتداه الله يحييك يابو صالح بين اخوانك ومتابعينك وجمهورك وتستاهل هاذي القصيده ان تكون في المثبت وهذا اقل مانقدمه في خدمتك تسلم يالمعزب والساعه المباركه اعذروني على الاخطاء الاملائيه اكتب من الايفون |
الله درك يالمعزب على هذه القصيده الجزله من شاعر جزل وله باع طويل في نوادر القصايد
لاهنت يابو صالح وشرفتنا في حضورك ومشاركاتك الجزله لاتحرمنا جديدك لاعدمناك المنتدى منتداك والدار دارك والجمهور جمهورك يعلم الله انك اسعتني في مشاكاتك الله يحفظك من كل مكروه تقبل تحيات اخوك ابو سامي ولا تحرمنا جديدك |
لاهنت يابوسامي على التثبيت
|
|
| الساعة الآن 02:21 PM |
Powered by vBulletin™ Version 3.8.7
Copyright © 2026 vBulletin Solutions, Inc. All rights reserved.
.