منتديات العوامرة - بني رشيد - قصيدة للشاعر "معلث المقوعي"

من قصائد الشاعر "معلث المقوعي"

قال المقوعي قدر الحرف تقدير = ولاخير بالدنيا ولذة منامه
يامنيف عقب ربوعنا جت معاصير = والجو أشوفه قام يذري كتامه
يامنيف وين اللي يجونا مسايير = أهل الشرف والطيب وأهل الشهامة
أهل البيوت اللي عمدهن كواسير = ربعي اللي صارت علىٌ الغرامه
ماتقل بأرض الصور بنو دواوير = ولاتقل شفت بيوتهم والجهامه
توادعوا بالصور واقفوا مسافير = الله يوفقهم طريق السلامه
أهل بيوتن مجمع للخطاطير = والضيف عصبان المفطح يدامه
برباعهم تلقى الأوجيه المسافير = ودلالهم من حب صنعاء طعامه
وكلن يصوت بالليال المعاسير = ونارا ينادي للطرقي شعامه
تخضر ديار مدلهين المعاشير = بني رشيد اللي حكو بالقوامه
بني رشيد اليا اعتمن المشاوير = وصارت على من شار فيها ملامه
ربعي هل الردات مابه معاذير = بني رشيد عزات منهم عمامه
وربعي اليا ناموا بحدب المناظير = كم واحد بالكون بتو حزامه
اليا عدو قفوا المتلي صوابير = وصارت على من شار فيها ندامه
مركاضهم يشبع به السبع والطير = والضبعة العرجاء تغز العلامه
صيارم يوم الملاقا سواعير = والعمر يهدونه لمن كان سامه
ومن قال حنا أطيب فهو ماعمل خير = يظلم نصيبه والقبايل اكعامه
الناس مثل الناس مشاي ومغير = وكلٍ على حده وكلن بزامه
والفعل ماخلاه عرار لعمير = وذياب ماقنعس لشلفاء سلامه
هذا المثل والناس تمثيلهم غير = والعيب باللي مايثمن كلامه
ماحط بالقيفان كذب ومعايير = والصدق صابون الفؤاد وختامه
وصلوا على اللي حج مكة بتكبير = نبينا اللي شرف الله مقامه