منتديات العوامرة - بني رشيد - قصيدة في مدح بني رشيد

ســـلام الله ســـلاماً له مكانه بالمــكان يلـيــق

سلام أهدية لحضور النشاما هي وداعيها

سلام من الضمير وليلة الليلة هواها يشيق

وليلة وقتها محمود قل اللي يــسـاويـها

تحية من وفاء جزلة وأنا والشعر والتوثيق

على مبدأ بمدح أهل الوفاء لحل طـــــاريها

بني رشيد لابة فخرها ثابت ثبات طويق

هل الطولات وأهل المجد حاضرها وماضيها

مشاكيل الرجال اللي لهم موقف نهار الضيق

يفرج كربـــة المضيوم عن منضام شاكـــيـها

مزبنة الدخيل ان ضاق به وقته ونشف الريق

ليا منه دخل بوجيههم عينه تنام الليل هانيها

صقور الطيب مكسبهم ولا عنه الزمان يعيق

عزا يمهم تســـود الأرض ما هابت مساريــــها

لهم عند القسوم خيارها ويحفها التوفيق

صناديــد شبات سيوفها بالدم ترويــــهــا

بني رشيد وان جاء موقفاً يطلبه التلحيق

ملحقة الخوي تحمي الديار ومن سكن فيها

مواقفهم تشرف والشرف بفعالهم تحقيق

على عز وشرف فرسان عبس حماة عانيها

ليا شانت نوايا خصمهم همه يجي توسيق

يذوق المر يحرم ما يذوق الخصم حاليها

وليا جت بالعلوم الطيبة تأخذ سما ء تحليق

قبيلة بالخصال الطيبة تسمو مباديــــها

رجال المجد منهجها على قد الثريا ء تسيق

عزايمهم كريمين السجايا الطيب قاديها

لو ان الشعر يوفيهم مديح بمدحهم ما ضيق

دواوين القوافي في بني رشـيـــــد أسويها

لكن المعذرة منكم وهذا اللي عليه اطيق

بني رشيد جزلين الفعول فعول ما احصيها

لشـــــاعر / سلامه ابن سعد العنيني الجهني