منتديات العوامرة - بني رشيد - خـذ الوصيـه ياعضيـدي بيمنـاك

خـذ الوصيـه ياعضيـدي بيمنـاك@@@@ من وآحدٍ شاف العجب فـي حياتـه

شباب لكن شاف بالوقـت وإعفـاك @@@@شـيءٍ يعكـر يـاولـد ذكريـاتـه

يعطيك نبذه بالدهر وأنـت يخفـاك@@@@ أن الدهـر لا يغـدرك باحسنـاتـه

نواف وأنته ما نقص شـي مربـاك@@@@ كلام أخوك أخـذه عليـك بوصاتـه

ترى الزمن لو يضحكك يـوم بكـاك@@@@ والوقت الأقشر كيـف تامـن بناتـه

لو هو بدالك بالمعاريـف وأعطـاك @@@@لابد مـن يـوم ٍ تـدور اعجلاتـه

لو صار لك فيها مناديـب وأمـلاك@@@@ كم وآحدٍ وقتـه عـن العـز شاتـه

عليك بالتقوى ترى الديـن يحمـاك@@@@ لاخير فـي رجـال قلـت صلاتـه

الدين يسـر وزينتـه فـي محيـاك@@@@ حلاوة الايمان مـا أطيـب حلاتـه

لا تأمـن الأيـام والمـوت يقفـاك@@@@ كـم وآحـد يامـن وحلـت وفاتـه

وأترك رديٍ ماوصل حـد ماطـاك@@@@ بكـره اتسـوي يالغليـم سـواتـه

ترى الردي بكره مع الوقت ينسـاك@@@@ وإليـا نصيتـه رآح يجمـع شتاتـه

هرجه السعه هرجه وإذا ضقت خلاك@@@@ الحنظـل اللـي مايشـرف نبـاتـه

وش راجيٍ في خوتٍ يـوم تجفـاك@@@@ خوة مصالـح بيـن خذهـا وهاتـه

مويه البحر من كثرها الملح يحـداك@@@@ وإليا بغيت الشـرب كبـدك افتاتـه

ماغير أبوك اللي ليا ضقـت سـلاك@@@@ ولاغير أخوك اللي عليـك اشفقاتـه

لاشان وقتك وضربت فيه الأسـلاك@@@@ كـل يبُيـن وقتهـا فــي نـواتـه

واليا فعلت الطيب حـذراك حـذراك@@@@ حذراك تلحق فعل طيبـك حصاتـه

وأصبر ولاتشكي على الناس بلـواك@@@@ لا باح سدك مـن يغطـي غطاتـه

ألا إذا أنـك نـاوي فرحـة أعـداك@@@@ حلت على راسـك دروب الشماتـه

والمجلس اللـي مايناسـب لمجنـاك@@@@ لو زان لـك جـوه عديـم ابركاتـه

لا كاسبٍ خيره بـلا الشـر يبـلاك@@@@ واتصير بكـره يالسنافـي احتاتـه

عطيت لك شيٍ من الوقـت ياقـاك@@@@ قـدام لا وقتـك يعـجـل فـواتـه

وإليا شربت من شربةٍ من سوايـاك@@@@ ملـحٍ تـزوع الكبـد وإلا فـراتـه

جلال خلف القصيري