منتديات العوامرة - بني رشيد - مساجلة بين كل من الشاعرين / سالم علي العويمري والشاعر /نواف منور العازمي رحمة الله

شكواي للي كون آدم مـن الطيـن=وسخر لمخلوقـه جميـع البهايـم
ومن بعد ذا بشكي لربعن عزيزي=نمنهم ولد منـور قـوي العزايـم
نواف أبن منور له نقـول نعميـن=عز الصديق اللي له الوقت ضايـم
في حزه الشده كما ال*** مايليـن=وبالبر سيل بالبحر مـوج عايـم
وان حل له طاري بوسط الدواوين=تقديـره الاول بزيـن القـوايـم
عساه يلقى حـل مايقـول بعديـن=وان اعتذر مانـي لنـواف الايـم
بشرح له الموضوع وافهمه زيـن=عن حظي اللي ضاريـن للهزايـم
عايش بهم وغم من عـدة سنيـ=نوكلن صفاء جوه وانا الجو غايـم
والحـظ جربتـه بكـل المياديـن=لكن اشوف الحـظ ماهـو بقايـم
اكابد احزاني ولا النـاس داريـن=والهم خلى في ضلوعـي خرايـم
واسهر واهوجس و المخاليق غافين=ومع السهر كني عن الاكل صايـم
من الخميس الصبح ليوم الاثنيـن=سهران اخيل سهيل وارعى النعايم
لي حالتـن والله تسـر المعاديـن=وتفـرح الانـذال وأهـل النمايـم
حتى العدو يقولي خاطـرك شيـن=مريض والا تسهـر الليـل دايـم
قلت آه وعزي لحـال المسيكيـن=ماهمه الا النـوم واكـل الولايـم
ماحاشته برده على اعيار خمسيـن=ولاصاده الظابط على البرج نايـم
سيارته سكراب وعمامتـه ديـن =،ولانيتـه يبغـى يجيـب الغنايـم
العام أخبره فوق خمـس وثمانيـن=دايم يعرضهـا ولاحـدن بسايـم
وان أشترى دخان ماحـط بنزيـن=ومن شان عشر ريال سوى الجرايم
واليوم كاشخ عنده اربع وتسعيـن=ولايلبس الامـن خيـار العمايـم

رد نواف

ياركبن من فـوق خمسـه وتسعيـن=موتـر علـى اول جدتـه وامتلايـم
محرك اربع ميه واربـع وخمسيـن=مال المكينه صـوت والبلـف نايـم
ماتسمعـون الا هديـر القـزوزيـن=مثـل حلـوق امدوريـن النمـايـم
يمشي من الخفجي عصر يوم الاثنيـن=يـم الكويـت وخلفـه العـج قـايـم
ويلفي علـى سالـم زبـون المخليـن=قصرن يـذري بالبـرود الصرايـم
مـن لابتـن دايـم تضـد المعاديـن=والهم بكسـب الطيـب فعـل وقدايـم
منهم الويحـق يـوم دور الاكاويـن=ومدهاس و سبيتـان ماهـي ظلايـم
واطويق شيخن يقسم الجيـش قسميـن=كم سربتـن راحـت بوجـه قسايـم
بنـي رشيـد امطوعيـن السلاطيـن=علـى ظهـور معالكـات الشكـايـم
وقل كان تشكي بارد الوجـه والعيـن=قليـل ميـز ومـن رجالـن هلايـم
خلـه يولـي وش تبـي برديـيـن=آخـر معرفتهـم تـراهـا لاوايــم
وانـذل لوزانـت لياليـه مايـزيـن=خص الخمـام اللـي خوالـه خمايـم
وانصحك عن عرف الرفيق ابووجهين=اللـي امبينـتـن علـيـه العـلايـم
والوقت يبغى صبر وايمـان ويزيـن=ولاتنطـوي مثـل البعيـر المهايـم
والارض يحدث من غظبها براكيـن=وانا مـن الوقـت الخبيـث امتشايـم
واسلم وخصص بالسـلام العزيزيـن=وقـل لاندمـت ولاتجيـك النـدايـم