شغاريف لابه
 

هذي قصيده جديده لي بعنوان ((شغاريف لابه))

[poem=font=",5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
من فوق والسيف المصقل علامه=والارض حره في شغاريف لابه
ارض الحرار اللي عن الدار حوامه=قومّ تخيل العز لو حك نابه
من عهد عنتر للهلالي سلامه=وهي عزيزه بين ظل وسحابه
ارضّ لها عند المورخ كرامه=ارجالها مابين عز ومهابه
دار الفخر والعز ثابت مقامه=يشهد لها التاريخ لافك بابه
فيها رموز المجد حق وفهامه=دليها واضح ولاهو طلابه
من عزها كلّ يحذف العمامه=لاصار بين الناس حزم وكرابه
قومّ لهم بطيب وقفه وهامه=يردون حوض الموت لاقبل ركابه
بني رشيد اللي علي العز وسامه=قومّ تخيل المجد بول شبابه
في مدح ربعي ماعليه ملامه=كد وايق التاريخ في كل لابه
هذي بيوت الشعر ترخي زمامه=تلعب مع الشاعر بفن ورحابه
شعري علي الميراد يوفي كلامه=ماهو من اللي ينعمي في سرابه
خلك كما اللي مايعرف الرخامه=زحزيح يثبت في نهار الاغلابه
مثل معزي يوم طير عسامه=وحد قبايلها وكف النهابه
جاهم مثل سيلّ وفوقه غمامه=وحكم بحكم الله ووفي جوابه
ولاكما اللي صاحين من منامه=صلي صلاة الفجر وزهب زهابه
يبي ديار الخير بقصي الثمامه=هذا فرح روحي وهذا صوابه
وختماها صلاة ربي وسلامه=علي الذي يشفع بوقت الاجابه
[/poem]


وسلامتكم الشاعر عواد عبدالله العويمري الرشيدي

صح ابدنك ولاهنت علي المرور ياخوي بدر العويمري

وطلب من الاداره كرما تثبيت القصيده

ابو بدرالعويمري لاهنت وبيض الله وجهك علي التثبيت

تحياتي لك