منتديات العوامرة - بني رشيد - ياثقل هم اللي / نواف حامد زاكي

ياثقــل هـم الليل ياثقــل همــــــــــه ... مافيــه لقلوب المحبيـــــن ذمه
لأقبـــل عليه حـــارب النـوم عيني ... يأخذني التفكيـــــر وأروح يمه
للــي ليـــامنه طلبنـــي عطيتـــــــه ... يزبن عليــه كل ماكبــــر همه
واليا بغانــي في لزومــه لقانــــــي ... مايلتفت لبـــــوه وعيــال عمه
وياكثـــر ماسويت به من جمايـــل ... الخيــر خير الله وخيري يعمه
يفــز قلبــي يــــــوم طيفه يزورني ... وأجمع شتاته في خفوق وألمه
رغم البطاء ماغير الوقت صورته ... يمرني طيفه وأعـرفه وأضمه
وياشين بعض الذكريــات القديمـه ... مثــل التفاته وأبتسامـــات فمه
يالليل ياللي فيــك تسهر عيونــــي ... ماضنتي مطلوب قلبـــي تتمه
اللــي يبيه القلــب وينــك ووينـــه ... قفـــــى ولاضنيته أمري يهمه
منصح وأقول أنه مارايح يخوني ... وأثر الخيانه في عروقـه ودمه
ولاعدت ياحب(ن) تطمـع بدايته ... سهل البدايــه والنهايـــه مطمه
خلاني أسهر طـول ليلي لحـالي ... وأصبح وأنا قلبــي بهمه وغمه