مساجله بين الشاعرين / عبدالعزيز صالح القعبوبي . ونواف حامد العويمري
 

قصيدة الشاعر / عبدالعزيز صالح القعبوبي

لك الله يابــــــاب التسلــــي والعــــواطف غيـــــر – تفك العاطفه بـــاب(ن) من أول ضـاع مفتاحــه
يمــر الــوقت وأســرار الليــالي بيـن شر وخيــر – على اللي سار في درب الظلام وطاح مصباحه
مقيم(ن) في جبـل ماهـو جبل في لحظة التفسيــر – مجــرد تسميه في جو مسراحــــه ومرواحــــــه
ينــادي صاحبه في صحبة التمــــويه والتقزيـــر – ربــــطهم عــــامل(ن) مبني على موزه وتفــاحه
هدفهم مشتــــرك فــي حالة التأنيث والتذكيــــــر – وتضامنهم على الهامش بدرب الصمت والراحه
تفاجم بأكتشــــــاف أسـرارهم والسـر وسط البير – مــافيــه أذنين سمــــــــــاعه ولاعينين لمــاحـــه
يحسبـــــون المــواري مالها طابـــع ولا تأثيــــر – بتمويـــه الحقايـــق لجل ماحد يحـــاول أيضاحه
رســـاله مفعمه ماتقبـــل التقديــــم والتأخيـــــــر – تـــواكب مع حدثها نزعــة الشيطــــان لســلاحه
ذكــي الفصـل يستاهــل شهادات الشكـــر تقدير – وبليـــد الفصــل عذره بـس سبـــوره ومســــاحه
وأنا بعرض جميع اللي سبق ذكره من التحرير – على نــواف أبــن حــامد مدامــه داخـــل الساحه

ورد الشاعر / نواف حامد العويمري

وصلنــي خــط من غنـــا البيــوت ويــالله التيسيـر – لعب من غيض مدري هيض مدري هم مجتاحه
هــلا يامرحبــــا من شاعــــر(ن) ماخــانه التعبير – على وضح النقــاء من وسـع بـال ونفس مرتاحه
بــــدا راع الجبل مــع صاحبه يعكس مسير السير – لاقــام الليل من فــوق الخلايــق يرخـــي جناحه
تلاقـــــوا والتلاقـــــي فيه صافين العقــــول تحير – عليه السلم صــار أبعــد من الأردن عن البــاحه
ومدام أنك عرفت السر من عقل(ن)ماهو بصغير – أنــا أقــــدر خفـوق(ن) لادرى الســـــر مابــاحه
حلول الســـالفه عنـدي يابن صـالح بــــلا تقصير – تبـي تصبح عنـك كـل العلـــوم العـــوج منزاحه
اليــا زلت مــلازيـــم الرجــــال وزلت التقديــــر – عليـه بالحــرام ليفـرك الراحــه علـــى الـــراحه
مــدام الله عطـــانــا الاولــه واللـي نبيه يصيــــر – نمثنيــه البحـــر ويعـــوم كــان أيديـــه سبــــاحه
بـــلاش من المجـــامل والرساله في جناح الطير – تجي من نفس بدروب الشــرف تنصح ونصاحه
ومـدام أبـن حـامـد بالحيــاه بخيــر وأنـت بخيــر – أبشـــرك الحـــلال بــزود والرعيـــان مصلاحه

أشكرك على المرور الجميل يا أخ بدر ... والقادم أفضل أن شاء الله

لاهنت يابو بدر على المرور الجميل