منتديات العوامرة - بني رشيد - مناديب السعه للشاعر نواف حامد العويمري

الا ياليـــل سريت الهجـــوس بدقت الجـــــــــــوال – تبين ماتبين ورمضـــان يفـــوز من صامـــه
صحيح أن اللــوازم بالليالـــي تظهــر الرجـــــــال – وصحيح أن الرجل ماهـو بضحكاته وهندامه
يدور الوقــت وضروفه تبين للــرجــال أفعــــــــال – وتلقــى للــوازم فالنهـــار المعتبــــر هامـــــه
وصحيح الناس فيها ألوان يأهل المعرفه وأشكــال -- والا ياليت ربي حط في بعض العرب شامـه
تبين لك سنا الطيب وتظهــر لك سنــا البطــــــال – مناديب السعــه بالهـرج عـزامــــه وجزامــه
سوالفهـم تمد لك الوفـــاء وتوفــــي المكيــــــــال – ومناظرهم سواة اللـــي معــه يمشون خدامــه
على هالحــال تلقاهــم معــك بالحـل والترحــــال – أصاحيب(ن) على وقت الرخاء للنار شعامه
أعيـش الوقـت وأخذ بالحكـم والصـدق والأمثــال – وأعرف أن الفتــى مخلوق والمكتــوب قدامه
والا ياحـي فـال اللـي على الفزعه وسيع البـــال – على وضح النقاء وقت الشدايد كارب حزامه
ترى هـذا هـو المكسب ليـا قالـوا ورأس المـــال – والا يـــالله تحفظ اللــي كــذا وتمـــد بأيامـــه
وأنا من هيض مدري غيض قلته والليال طـوال – تبين ماتبين ورمضـــان يفــــوز من صامــه