أهداء خاص من الشاعر زايد بن عدله للاستاذ/ ناجي بن دوش الرشيدي رئيس المجلس البلدي
 

http://im31.gulfup.com/QBl9M.jpg


[poem=font=",5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
من هاجس يأخذ من المزنه هماليل البرد=واليا تهيض يحرق الجمره على غليونها
اليا نسجم في ماقفه مايهاب ويخاف من أحد=ألا من اللي كل خلقة عارف مكنونها
واليا دعيته مثل همّال على الحره ركد=يشفق على طرق البيوت ويستلذ بشونها
واليا مدح مايمدح الا طويق وإلا ضلع احد=مايمدح جبال تهز الريح حيد أركونها
واليا بطش له في بحر يبطش مثل بطش الاسد=لو بعض خلق الله من الغيره تفيض عيونها
هذا مثل والناس لو يطغى على أنفسها الحسد=مايشره عطاردمجرتها على نبتونها
لاني اليا من مدحت أصدق وبالله أعتمد=واليا حكيت أخاطب عقول الرجال ونونها
قاـف ماهـو في مدح ناجـي عن مسـاره ينحرد=والا عسى راعيه ينشـب هـرجه بحنحونها
شيخ تسيد كل جيله بالمراجل وانفرد=من رؤس قوم بالمواقف يطحن طاحونها
ماجابها بمداهنه والا تسلفها ورقد=وهبه من الخلاق والا الناس مايعطونها
ماهو قصور بالنشامى مير من جدا وجد=لو شجرت الزيتون شحت من غلى زيتونها
اشهد شهاده حق مايجلى عن النفس النكد=الا رجال مثل ابو عزوز جل أمتونها
يشهد على ماقلت فعله واجتهاده بالبلد=طور وسوى شئ غيره ناس مايسوونها
يشهد لفعله من معه حتى خصيمه له شهد=أديار ربعه ماقصر تطوير كفه دونها
ماخاب من صوت معه يوم التنافس بالعدد=يوم ان بعض وجيه خلق الله تغير لونها
هداج تيماء مايصدر منه عطشان ورد=لو السباع الضارية دونه تحد سنونها
قالوا وانا قلت الحقيقه والحقيقه للأبد=لو يختلف وجه الثرى مايختلف مضمونها
ماكل مايبرك جمل شال الحموله ماارتعد=بعض الجمال ليا بركت ضاقت عليها بطونها
واهل الموديلات الجديده والمشايخ والعمد=اللي تلقب نفسها واختومها بكرتونها
ناس اليا حان المزاحم صح مابالحمض احد=والله ماتسوى يابن عمي مشلحك واردونها
هذي بيوت خالده تبقى معاك للأبد=تستاهل بيوتي اليا غنيت طرق الحونها
[/poem]
الشاعر: زايد بن عدلة