منتديات العوامرة - بني رشيد - محاورة معذب الشعار والشاطئ المهجور

محاورة كل من شاعرينا المتميزين دايمـــا معذب الشعار و الشاطئ المهجور

انقلها لكــم

معذب الشعار

على الشاطئ المهجور و الهجر ما هو زين
سلامي سلامن يشرح الصدر مـن مبـداه
ترى الحق ما به غير وحده مـن اثنتيـن
يا كم واحدن يزعله واللي زعل ما رضـاه

الشاطئ المهجوور

هلا فيك يا الشاعر هلا فيك يابو حسين
نـرد السـلام لصاحبـه مايتـعـداه
نهار الاثنين اللي يقولـن فالـه زيـن
مايزعل رجال المعرفه ساعة اعطـاه

معذب الشعار

يقولون عام ألفيـن روح بعـام ألفيـن
وكلن حسب فكرة وكلن علـى معنـاه
ما يوفي الديون الا رجالن تسد الديـن
ومن مر في سوق المبيعه عرف مشراه

الشاطئ المهجور

انا اقول عام الفين حظر بحرف العين
ومن يحسب افكاره يواصل على اخطاه
تركد ترى باقي على الصبـح ليليـن
وسوق المبيعه با الشتـاء مانتمنـاه

معذب الشعار

بوسط الرياض الحبحبه من تحت سكين
وراعي الحداه ليا حدى ما عرفنا حداه
تلين القواسي والقوافي لا جينـا تليـن
ونو الخيال يغسل ثوبك وتشرب مـاه

الشاطئ المهجور

انا ماعليه من هل الحبحبه والتيـن
وراع الريـاض بموقعـه مانتوطـاه
وكل القوافي فاتحه صدرها قوسيـن
ونو الخيال انبت عشب ضينكم يرعاه

معذب الشعار

شواطي البحور موثقه وانت رايح وين
مدام الطريق المظلم يخوفـك مسـراه
سمعنا وسلمنا والمعاني على وجهيـن
لكن العصا في يدي و شعيل زج رغاه

الشاطئ المهجور
درينا عن التوثيق والحرف بـه حرفيـن
وكلن نظر صـوره علـى حـد منشـاه
تعبنـا وطبنـا ونتهينـا مـن الجنبيـن
وكلن حسب عرفه مشى مع طريق ارضاه

معذب الشعار

كشفنا الخفايا واللقـا والعـذر بعديـن
و من مد في يمناه ما تعلمـه يسـراه
صدمة الدرام وطحت في راعي البكلين
وذيب الغداري بالغداري يجـر عـواه