منتديات العوامرة - بني رشيد - محاورة بين الشاعرين عويض وابو محمد

محاوره شعريه بين الشاعرين
عويض خنيفر العويمري
خيران الحميدي العويمري

عويض
يافن الابداع وشبك طافين ماش حس و لاخبر.
اشوف مامن ربيع وكل ما جيت دارك ممحله

اللي بيوته بلا سيسان وش عاد لو سوى جدر
ينهار جدره لونه بالبنايه جديد ومجمله

خيران
يافن اﻻبداع موجودين ذليل ماغاب القمر
واللي تريده يابو سامي تفضل وقلي و ازهله

حنا بنينا بيوت العز ياصاحبي ولنا الفخر
من ساس ربعا" لهم تاريخ في فعلهم ماتجهله

عويض
لاضاع جهد العمر ماينتعوض ليا راح العمر
وراع الرعيه ماندري وش عن اللي رعاته مشغله

نعمين مليون ياخيران ونزيدهن خمسة عشر
لكن في تالي الايام اشوف العلوم محلحله

خيران
مايضيع جهدك ليامنك تهجدت واتصل الفجر
واﻻدمي ياعميل الخير يجزاء على حسب اعمله

فيك البقا ماعليك اقصور ياشاعرا مثل الصقر
اكرب حزامك قبل تاتيك كل العلوم مفلفله

عويض
لازم تحافض على السنه مع الفرض وسلاح الصبر
والك الاجر كل حسنه في عشر من عذوق السنبله

ماقلت غير الصحيح وماخذن درس والدنيا عبر
ماهمني راعي الافلام لو جاب كل امسلسله

خيران
ياللي تشوف البحر حذراك حذراك من موج البحر
ون كان تبغى اﻻجر كل الحساني تجيك مدبله

ماقلت غير الصحيح وتسمع الدرس من زيد وعمر
لكن هاليله اللجمال ساق الجمال محمله

عويض
مشيت بر وبحر ماشف غير الهرم داخل مصر
ولادري وش اللي نشوفه لاطرشنا لليال المقبله