منتديات العوامرة - بني رشيد - غنيت يوم صفيط دربه لقيته ( معينان )

يسرني أن اطرح هذه القصيدة للشاعر الكبيرصالح عبدالله العويمري

( معينان ) وهي موجهه للأخ جابر مبارك المهيمزي

بديـت ذكـر الـلـي بعـفـوه رجيـتـه

اهـو الكريـم اللـي بعبـده رحومـي

غنيـت يـوم صفيـط دربــه لقيـتـه

واليا نشدوني قلت رحت معزومي

ديرة رجـال شيـوخ مـا هـو نبيتـه

يوم العرب صـولات قـوم وقومـي

جابـر مبـارك كنـه بسـمـة نخيـتـه

يبـدي التحيـة قبـل يأخـذ علـومـي

والظاهـر إنـي بالـردى مـا هقيتـه

إبـن مبـارك جعـل عمـره يـدومـي

مهيمـزي والكـل يـعـرف بصيـتـه

احسب حسابه مـن رجـال قدومـي

مهامـزه علـم الـشـرف محتميـتـه

إليا صاح صياح العرب قام يومـي

جابـر علـى وقـت اللـزوم أمتنيتـه

وإلا رجـال الكبـر عنهـو نشومـي

كبـار النفـوس قلوبهـم مستميـتـه

اللـي معرفتهـم تجـيـب الهمـومـي

وبيت الردى من خلقتي ما نصيته

غير الرجال اللي تعرف السلومـي

والقاف من غاية ضميـري بنيتـه

يبقى مع التاريـخ مثـل الرسومـي

شعر النبط من خلقتي ما اشتريته

درستبه وأخذت رخصـة عمومـي

ومن يفعل المعروف أنا ما نسيتـه

وحلفت انا باللـي ينشـي الغيومـي

سبحان من بأمره وحكمه رضيتـه

اللـي فـرض العبـد حـج وصلاتـي