منتديات العوامرة - بني رشيد - قصيدة الشاعر معينان في الشاعر عبدالله ابن عون

هذه القصيده قالها والدي رحمه الله الشاعر صالح عبدالله العويمري الرشيدي الملقب معينان في الشاعر عبدالله ابن عون ابونايف

بديت ذكراللي علم خافي الكون
في قدرته حتى تقوم القيامه

ومن بعدذكرالله بداء القلب بلحون
من شاعرً يلعب بفكر وفهامه

يامن يوصلني الـ بيت ابن عـون
ولياوصلت مودعً بالسلامه

اخص بيته خص مااقصر عنه دون
مثل الذي وده يكمل احرامه

عبدالله النايف به الطيب مضمون
ماهو برس مبتلش في هدامه

سويت حرف بحرف والقاف مازون
وبالقول ابونايف عزيزً مقامه

وليانشدوني قلت له ياولد عـون
فعل الكرم والطيب تلبس اوسامه

القصه اني عودوالعودمديون
يامساعداللي جايرالوقت ضامه

انتم عتيبه في ذراكم تذرون
الضيف يلقا حشمته والكرامه

ياريف من جا يمكم مامعه لون
غير العباه مع العصا والعمامه

غنيت انا من عرض ناس يغنون
شعر النبط ماني غشيم بنظامه

وبالقول ابونايف على مايقولون
شعرالنبط عنده امبنن اخيامه

مامصرف العشره مثل صرف مليون
في مجلس الشعار يلقى احترامه

رجل لياجو مجلسه مايملون
وعند اللوازم مايتراخا احزامه

مفتوح ديوانه عنه مايتعدون
جاني خبر عبر الاذاعه كلامه

عتيبه على ماقيل بالفعل يافون
اليا انتخو والجو كتم عسامه

يوم انها مابين طاعن ومطعون
عدوهم مايهتني في منامه

والحين حكم اللي عساهم يدومون
السيف والنخله شعار العلامه

اللي لهم روس القبايل يطيعون
ومن جنب امر الشرع يلقا الندامه

وتم الجواب اللي ذكرته فابن عــون
اول سلام وبالتحيه اختامه

الشاعرصالح معينان رحمه الله