منتديات العوامرة - بني رشيد - قصيدة فيها من الحكم للشاعر راجح سلمان الجهني

يالله يامجري تصاريف اﻸ‌فﻼ‌ك... يارب يامحيي الديار المحيله كلمات الشاعر راجح سلمان الجهنى
يالله يامجري تصاريف اﻸ‌فﻼ‌ك
يارب يامحيي الديار المحيله
أنت الكريم وكل خلقك*ترجاك
نطلبك جودك يامنجي دخيله
يافارج الشدات بالضيق ننصاك
عليك تخفيف الحموﻼ‌لثقيله
ماخاب مخلوق لجا لك وناداك
من ﻻ‌ رحمته ياالولي عزتيله
ياالعبدﻼ‌تشكي علي غير موﻼ‌ك
مايجدي المخلوق لو تشتكي له
لو تشتكي للعبد ماثاب شكواك
ماله على حل المصاعب وسيله
ﻻ‌صار ماتقضي لزومك بيمناك
مقسوم رزقك ماتحوشه ابحيله
ﻻ‌تحتمل معروف هذا وﻼ‌ ذاك
لو قل مالك والموارد قليله
ﻻ‌شك نفسك عزهاعن دناياك
والرزق خﻼ‌ق الخﻼ‌يق كفيله
وﻼ‌ تلتهي بالمال والموت يقفاك
العمر يفنا بين يومن وليله
تسير بك سمر الليالي لمثواك
ومن طول المنزل لزومن رحيله
ﻻ‌بد من يومن عذاراك تنعاك
وﻼ‌بد ما ينقال هيا نشيله
مافيه بالدنيا مواطن ومﻼ‌ك
كلن يسير وعابرن في سبيله
وكانك تحسب انك مخلد بدنياك
فكر وناظر وين جدك وجيله
واسمع كﻼ‌م اللي على الخير وصاك
قوله يحثك للشرف والفضيله
يرشدك لدروب المكارم وينهاك
عن موقعن فيه الدنس والرذيله
وعن صحبة الهلباج والﻼ‌ش حذراك
من صاحب الخايب يحطه زميله
قرين سو ابليس مغويه وأغواك
عميل شر وﻼ‌ يربح عميله
عزاه لك من خوته كان خاواك
يرميك بدروب الردا والفشيله
عليك باللي للشرابيك فكاك
قرمن اليا حدك لزومك تجي له
ﻻ‌ جيب علم الطيب ينقال شرواك
يرقا درج ممشا الخصال النبيله
واﻼ‌ الردي لوهو ولد عم يجفاك
ورايه بعد مايستشير الحليله
وش عاد لو تقضي لزومه ليا جاك
تجهد عليه وفوق راسك تشيله
اليا قضى بك حاجته راح يشناك
وغيرك عمل به طيب وانكر جميله
اليا بداله ﻻ‌زمن جاك ينخاك
واندرت به ﻻ‌زم ضلوعه هزيله
مدحك يغيضه كان به جيب طرياك
وعليك يفرح بالخزا والخذيله
ضميره اسود والحسد سم فتاك
اليا سمع مدحك تزاود غليله
قصده يغار ولايسوي سواياك
كبه وتلقا لك رفيق بديله
تراه مهما جدت له خاب مسعاك
ومن تاه فكره مايفيد الدليله
عليك باللي دوم يحرص على رضاك
قريب لك لو هو بعيد القبيله
احرص عليه وسامك العرش ياقاك
يروف بك عن كل عيله وميله
واليا مشيت اجعل على الحق ممشاك
مايرتفع راع الدجل والختيله
وصلوا على اللي بالهدى زال اﻸ‌شراك
شفيعنا عن حر جمر المليله