منتديات العوامرة - بني رشيد - الشعر في غير راعي الطيب حرمته للشاعر صالح معينان الرشيدي

يامضحي الشعر فصلته ونظمته
لياضاق صدري قعدت ابتاع واشريبه

والحين فكري على الموجات قسمته
اللي عطا شرق واللي راح تغريبه

والشـعر فـي غـير راعـي الطيـب حـرمتـه
واصارع الوقت حتى افهم تجاريبه

وما يكن صدري تراي اليوم ترجمته
وعيبً على واحدً مايساعد اصحيبه

اما اظبط الساس ولا القصر هدمته
وقتي خصيمي وراسي طالعً شيبه

عساك تفهم جوابي يوم قدمته
يوم اذكر فلان ذكر افلان من طيبه

ومن يحتمي شيمته بالطيب شيمته
وجميع صقرً يكفنه مخاليبه

هذا جوابي معك والقاف ختمته
والضيف يذكر ماواجه من معازيبه