|
قصيده مميزه
انقل لكم هذهي القصيد ولااعلم من قائلها
وتمنى ان تنال اعجابكم . عـــديـــت مرقـــابٍ بـــروس اللواميح = رجـــمٍ طـــويـــلٍ عـــاليــات هضــابـــه عــسر المراقـــي دون راســـه مﻼويح = بضــلــع الخــطــام اللي عذين جـنابـــه بيــــني وبيـــنــه كايـــدات الصــﻼفيـح = مــلــس المراقـي مظـلمـات الشطـابـــه وكـــهـــوف غيــرانٍ بها تصفـق الريح = مـقيـل صـــيـــد ومــــزبــنٍ للذيــابـــه وحــدتـــني الجـــيﻼن عــلــط اللحـاليح = قــلــت ارقـبـه ظنيت محــدنٍ رقــابـــه ولقـــيت شـــيء بــيــح الصـبــر تبـييح = بيـّـن خـفـاي وظـامـري جـاب مـابـــه لــقـــيت للــماضيــن بــعــض المﻼميح = وســومـهــم ورسـومـهــم والـكـتـابـــه طــق الحجر معروف من دون توضيح=أســمــاء لبعض ربــوعــنا والقـرابـــه وشــوف الرسوم يجــرح القلب تـجريح = هنـيت مــن هـــو غافــلــن مـادرابـــه لوﻻ الحيــاء كان ارفع الصوت واصيح = ولو صحت بأعلى الصوت مافيه ثابـه اقــفــتبـهــم ســـود الليــالي مــدابـــيـــح = والموت ماهـو راجعـن من غـــدابـــه ومــديــت دربــيــلـي من الضلـع للسـيح = ارض خــﻼ مــاكــن حــيٍ مــشـابـــه للهـــند والبنــقــال صــارت مســـاريــح = ودغـم الخشـوم مـلفـلـفـين العصـابـــه وعــقـب البيوت اللي إبهاك الصحاصيح = اللي مبـانــيــهــا تــقــل ضلــع ﻻبـــه رفـــافـــهـــا ماقـــفـــلـــت بـالمــفـاتــيـح = الضـيـف يـفـرح والمـعـادي يهــابـــه تــبــنــى وتــرفـــع باللــيـال الشـﻼفـيــح = وأيـام صفـقـات الــدهــر وانـقـﻼبـــه والــيـــوم مـامــن بــالـبـــداوه مصالــيح = والـبــر والمـقـنـاص مـقـفـول بـابـــه الـــوقـــت وقـــت موظـفــيـن وفﻼلــيــح = ونـاس تـطــاول ناطحات السحـابـــه وعــبرت عـن غـايـة ضـمـيـري بتـلميح = وتكـتـب عـلى قـد الســؤال اﻻجـابــه |
صح لسان شاعرها ولاهنت على النقل
|
صح لسان شاعرها وسلمت يد ناقلها
|
صح لسان الشاعر ولاهنت اخوي على الطرح.
|
صح لسان الشاعر ولاهنت على طرحك
|
صح لسان شاعرها ولاهنت على النقل
|
| الساعة الآن 07:23 PM |
Powered by vBulletin™ Version 3.8.7
Copyright © 2026 vBulletin Solutions, Inc. All rights reserved.
.