هيبه وتبقى مع مطاليع الأشراق =بني رشيد معطرين السجايا
 

[poem=font=",6,black,bold,normal" bkcolor="white" bkimage="" border="none,4," type=0 line=0 align=center use=ex num="0,black""]
بإسم الولي رب المخاليق خلاق = فرد وصمد معبود رب البرايا
واحد أحد بإيده مفاتيح الأرزاق = المعطي بلامنه .. جزيل العطايا
سبحان من بأمره أمن الخير ينساق = سوق المزون المعتمات الروايا
يالله وأنا عبدك أسوالي توفاق = وتسمو بفكري ..نايفات المزايا
نبدأ بذكرك عد ماشاح براق = برق ٍ كشف عن خد وجه المسايا
وأعداد مادمع المزن سال دفاق = وأروى مظام أعطاش وجه السنايا
يامرحبا ترحيبة الصدق مصداق = ترحيبة أهل القدر بصدر التحايا
ترحيبةٍ تسمو سماء وجه الأفاق = مكلوم نبض القلب جزل الهدايا
يامحمد بن عبيد وإن جيت مشتاق =شوق ٍ يشوق الشوق لآخـر مـدايا
عمر الهناء وسط التهاني بالأعناق = ونبض الخفوق يفوق فوج السرايا
جيتك من أقصى ماسكن وسط الأعماق =جيتك اسوق اصدق بياض النوايا
ماهجرست خلف التباريح ولا لاق = مثل الوفاء .. جزل العطاء .. فالرعايا
والشعر له .. ميثاق .. وللعرف ميثاق = ولولا كذا ..ولأ..تموت الوصايا .
ولازال بي لمعانق الطيب سباق = في حال .. ولاّ حال يسبق وفايا
من منطلق مبدأ المواثيق ماباق =يبقى ونبقى لون طبع وحلايا
محمد وتزهر بالوفا خضرالأوراق =ويٍلـّــج عود المبخره بالحكايا
تــاج الفخـر لمعانق المجد تـــوّاق =وللطيّـــبه رمزٍ وفعـــل ونوايا
ماتختلف في مدحك اليوم الأذواق =كنك تقول المدح من له سِــوايا
هـيبه وتبـقى مـع مطـاليع الأشـراق =بنـي رشـيد معطـريـن الـسجايا
سقم العداء وقت اللقاء عبر الافاق =وقت اللقاء يلقى بعدهم ضحايا
للطيب كسـّابه وللعـــز معناق = وللمجد شرع وللشجاعه مطايا
وللمجتمع لابه وللمحتمي ساق= وللعقـل حكمه وللعطايا فـــدايا
وللمقدِره عفــوٍ وللسـم ترياق = وللمرجله دم ووريد وحنــايا
ومن بزغت النجمه إليا حدالأشفاق =وماتمتم بذكره جميع الشفايا
هذا وانا من لابة تزهق اعناق = لاقالو الهيلا حمايا حمايا
واعداد ماتنبض دماء كل خفاق = صلوا على محمد رسول البرايا
[/poem]