منتديات العوامرة - بني رشيد - مساجلةشاعر الحائط والشاعر صالح معينان

مساجلةشاعر الحايط =.وشاعر الباديه

قصيدةالشاعر/ناصر خلف الجابرالحايطي

[poem=font=",6,black,bold,normal" bkcolor="white" bkimage="" border="none,4," type=0 line=0 align=center use=ex num="0,black""]

علمت ابن مشحن ويدري معينان=ونافع ولد طامح بيوتي نصنه
وحتى الاسيحم داريً وابن سلطان=وابوغريب بديرة البعد جـــنه
ويعلم مبيريك الخبرحين ماكــــان=وطبً علومي كل ناحي لفنه
راحً جــنوب وعودن يم قحطان=ودار الشمال امسن بها وادرجنه
الغرب طافنه وراجاً مسيــــــان=والشرق ماخلن بلد ماوصلـــــنه
علمي مع الطايرعلى ريش جنحان=وحتى الهبايب لنحا ينقلنه
واصبح حديث يقوله فلان وفلان=والضلع واللبيداحشى ماجحدنه
علمي درابه ساكن الصين وعمان=والصحف بطراف الورق يكتبنه
سجل بصفحـات الجرايدوالاعـلان=وصم الاذاني شنفاً وسمعنه
ويومي به الذاري على روس الاغصان=وبكم البهايم ريضاً يحترنه
اناوعشيري فوق كفات ميزان=ابغى الرجح مير الثقال ارجحنه
راجح على غيره من البيض بطنان=ودعج المحاجر بالغلى ماوزننه
وشكيت للربع المسمين بحسان=جرحا لجا بوسط الضمايرمكنه
اشكي لهم واكتب من القاف مازان=ونخيتهم باللي سبا الروح فنه
ابوثمانً كنهن حب رمان=ناجز والايدي ماقربن وقطفنه
والاالبردعقب المطرهل الامزان=ابيض الهاقي توهاً رشرشنه
والعنق عنق ادميتاً برض حبران=بوسميةً رخم الغنم ماارتعنه
تقطف نواويرً تخالف بالالوان=ودهم الفرنجي ماارزمن وذعرنه
والعين عين موكرً فرخ شيهان=حول من الماكر ولاجودنه
حبل الشبك راحً تمازيع قطعان=وسبق جناحه رفرفً ونهضنه
والقرن ذيل مشمراً يوم الاكوان=تحت العقيد اللي بناته نخنه
اشقرمعشكل تحت الانهاد لابان=وغصبً على خلي قرونه ضفنه
نخيتكم يامدلهت كل حزنان=ان كان دورات الليالي فجنه
بني رشيد ربوعكم حبس الاضعان=لياثار عج مكاظمات الاعنه
ريف الضعيف امقلطة قرح الضان=فوق المناسف للخطاطير سنه
ياحلوهم يازينهم سسيف وعنان=ولاعاد فيهم ليقبل الضيف منه
يردون حوض الموت ميرادضميان=ليارتعد ولدالردي فيه لنه
بيمانهم يشرب من الجم عطشان=وخيالهم يقبل ولابه مضنه
قافي قطرته من خفاقلب وللسان=قطرالسهم وهجوس قلبي بننه
وارجو السموحه كان بالحرف نقصان=يااهل المعاني داخل الجاش حنه[/poem]

وتمت القصيده30بيتًا

مردالشاعر صالح عبدالله الملقب بسم معينان الرشيدي رحمه لله

http://im48.gulfup.com/MDGGZl.jpg
[poem=font=",6,black,bold,normal" bkcolor="white" bkimage="" border="none,4," type=0 line=0 align=center use=ex num="0,black""]

بديت ذكراللي علم كل ماكان=اللي ضفاحكمه على انسه وجنه
اللي على محمدفرض خمس الاركان=والشرع نادابه للاسلام سنه
ومن بعدذكرالله بدانظم الالحان=ولدن يديه للقلم وحضرنه
لياصارماني بالتماثيل بحلان=الذنب حسنات المصلي محنه
سجلت مايطري من اللبال قيفان=وفكري يصخرهن وهن ماابحلنه
لياورداً دايم جزيلات وسمان=على جراز وسيدهن مااعكسنه
يردن من صدرً تقل فيه بركان=لولاي افضيهن خطير احرقنه
ناصرشكالي من هوى خدرالاعيان=سجل شريطه واخرالصوت ونه
يمسي ويصبح بين طالب وديان=وضاع الرجا في حبهن واسهرنه
يقنب كما ذيبً عوى الصبح جيعان=مستـنصرً بذيابةً جاوبنه
ماتقل حوله باااالبلد رود سكان= الا الغزال اللي عيونه رمنه
لو إنها بالمال كان امرهآهان=نفزع بجاه ومال من غير منه
ياليت ماهي مثل قصة اونيان=واهل السوالف سولفو مانفعنه
والله ماهو ياابن الاجواد حقران=الرجل صعبات الامور ايحدنه
حيث انت من ربعاً لهم بالكرم شان=وافعالهم روس القلع شاهدنه
امقلطة للضيف منسف وخرفان=والنجركلً للمسير يدنه
حوايطه يوم المغازي والاكوان=مثل السباع اللي يجيهن كلنه
واليوم حنا بحكم وارزاق وايمان=نرقد بمان قلوبنا مرجهنه
حكمً يخلي الذيب يمرح مع الضان=عقب الفراسه يمتنع لو وطنه
ياناصرالجابرتراك انت غلطان=الوقت هذا حربنا مانشنه
حنا ترانا يافتى الجود رعيان=والحرتوضيح النصايح كفنه
دلواً تعرضها شواطين واشطان=يمكن وراها حيةً مرتعنه
بين الصديق وبين ضولات عدوان=وبين الرجا والياس ماخلصنه
لوالهدف مجهول من غير عنوان=مانلحقه لولا يدين احذفنه
المسأله ماهي لعابيب ورعان=ولا دجاجً نمسكه وسط خنه
هذا سلمت ودمت ياطير حوران=يالصاحب اللي زاد بالشعر فنه
جاك الخبر من عند صـالح معـينان=امسك اذنيك وخلهن يسمعنه
ازبن على مقرن ونايف وسلطان=عيال العقاب اللي يصقر مغنه
رح للملك واشتك على مثل سلمان=ويعطيك رايه والعقد مااعسرنه
واشرح لهم دعواك في سر واعلان=اما تطيح بنار ولا بـ جنه[/poem]

وتمت لقصيده30بيتا