قصيده نخوووه لاهل الخير بمساعدة السجين حسين الرشيدي
 

‏تكفون ياعبس الوفاء والمواجيب
ياللي ليا جات المواقيف تنخون

انتم هلا الفزعات وانتم هلا الطيب
وانتم رجال العز ربعي وتوفون

اقولها من دون شكن ولا ريب
ياللي بحزات المواقف تبينون

يامحزم المضيوم عدّاكم العيب
صفو بجنب حسين تكفون تكفون

هذا ولدكم ياكرام الاشانيب
حسين ينخاكم بصوته ومغبون

فكو عنه قيده غزا راسه الشيب
من الهموم السود بالسجن مسجون

ولاجداه الا يجر التناحيب
والصدرمن زود الغرابيل مشحون

وامه عليه تصيح وتقول لايخيب
الظن فيكم يوم بالعلم تدرون

وابوه من همه جروحه معاطيب
وعياله من الضيق يبكون يبكون

جروحهم من غيبته صعبن تطيب
يرجون فك آسره من الله يرجون

في حالهم يعلم بهم عالم الغيب
يالله تفرج عنه ي خالق الكون

كلن يساهم حسب قدرته ويجيب
السيف قرّب باقين كم مليون

تكفون يااهل الخير شرقٍ وتغريبه
ننخى القبايل كلها ونطلب العون

من دون ذكر اسماء ياعرب المجاذيب
كل القبايل بالمهمات ينصون

وننخى الملوك اللي تحل الاصاعيب
حكامنا سداتنا اللي لنا عون

اهل العداله والسيوف المحاديب
اللي على نهج الصحابه يسيرون

عون الضعيف اللي من ايامه اصويب
يسعون في حل القضايا ويقضون

اهل السطر ومنزحت كل حرّيب
ومسددت عن كل طلاب مديون

تكفون ثم تكفون عد التراحيب
لعلكم من والي العرش تجزون

كلمات الشاعر:سالم بن مهدي بن
شمهليل المظيبري الرشيدي

صح لسان الشاعر ولاهنت يابو زياد على النقل

صح لسان الشاعر سالم المظيبري

ا بيض لله وجهك يابوزياد على هذي القصيده*