منتديات العوامرة - بني رشيد - عبدالعزيز دحيم ومعتق العياضي

عبدالعزيزالخياري
يامرحبا باسمي واسم وسامة الكفة جميع=العزوه اللي سجل التاريخ مجد افعالهـا
العام يا معتق دهر واليوم يا معتق ربيع=تغيـرّ الايـام والايـام هـذا حالـهـا
معتق العياضي
دام البقاء واللي يعرف الدرب لا يمكن يضيع=أقولهااااااااااا لو إن قدمي كم واحد قالها
العام وإلا اليوم معتق يشتري معك ويبيع=لا تحسبن الناس تخشركم بروس أموالها
عبدالعزيزالخياري
صدرك على صكات بقعا يا ابيض الشارب وسيع=اليا تركـت اهزالهـا تقـدر تجيـب اجزالهـا
الحض جاب اكثر عباد الله على الخط السريـع=سبحـان مـن وسـع لهـا باقفايهـا واقبالهـا
معتق العياضي
أنته تلكع لو ما في عبس رجاااااااال لكيع=مير اللكاعة ياطويل العمر لا تضراااااااالها
أحسب حسابك بالخياري لا توايق كل ريع=أخاف تأكل ضربة فاااااااال الله ولا فالها
عبدالعزيزالخياري
يازين تفكير العقل ياشين تفكيـر الرضيـع=الصمت حكمه والعرب بعض السكوت اشوالها
الله يرحم طيّب السيـره ومحمـود الصنيـع=اللـي بعـده ام الكبايـر دوختنـا اعيالهـا
معتق العياضي
جلدك صخيف ما تحمل شوك من واد النقيع=وعبس اتحرى تلبس البسام تحت عقالها
لو قلت لك شيل الحمول فالظهر .( هل تستطيع ) ؟=عز الله إن ما للحمول إلا ظهور جمالها
عبدالعزيز الخياري
جلدك هو اللي يحتمل شوك النقيع اليا البقيع=ياما اطيبك حتى العروق الزايـده تشتالهـا
انت المجرب وانشدك تطيع ولا مـا تطيـع=اليا دفعنا اجنيههـا واليـا دفعنـا ريالهـا
معتق العياضي
من لا تحمل للأمور الكايدة ما هو شجيع=تحرم عليك الدلة اللي ولموا فنجالها
سمن الشمال أكبر عيوبه في ضحى الكنة يميع=انا على نية يالو نيتك يمشي حالها