هبت هبوب الشعر
 

هبـت هبـوب الشعـر وهـتـزت معاليـقـي قصـيـد
واسرجت مهـره مـا عشقـت غيـري وانـا خيالهـا

ضربتـهـا فـجـوج الأدب ركاتـهـا فــي كــل بـيــد
ضـربـت حوافـرهـا شـواهــد والعـذوبـهـا فـالـهـا

خاضـت معاركهـا طـرب مـن ذوقهـا لان العنـيـد
داســت عـلـى ســود الـنـويـا واعـتـلـى منـزالـهـا

بعيونـهـا مـيـلاد عـــز بـصـدرهـا مـجــدن تـلـيـد
بقفـايـهـا تـمـشـي فـخــر لـــن الـفـخـر مـنـوالـهـا

وهـبـه صخـرهـا لــي رب الـكــون رزاق العـبـيـد
يـــاالله عـســى الـخـيــر لا سجـيـتـهـا مـدهـالـهـا

الله مــن لـيـل العـنـا يــا مهـرتـي يمـطـر جـلـيـد
والـوقــت صـيــف ولا حسـبـنـا لـلـيـال وحـالـهـا

ســـود اللـيـالـي مـدرســة شـطــار ودرس بـلـيـد
دروسـهـا مــا تختـلـف عـنـد الـنـسـاء و رجـالـهـا

تـرعـد وتـبـرق جــرح بعـيـون البلـيـد ولا تفـيـد
سالت حسبهـا صيـف مـا يحسـب مـدى غربالهـا

يجيبهـا عوجـا رقبـه مـا تضـرب الا جــال حـيـد
عـوجـا يمشـيـهـا قـهــر والـضـيـم ســـم عيـالـهـا

فرق التجارب بالعقـل فـرق القريـب مـن البعيـد
تثـبـت لــك عـقــول الـرجــال الـنــادره لا قـالـهـا

النـادره حبكـة فكـر سبكـة ذهــب معـنـى فـريـد
تخضـع سمـوع الــذوق والأفـكـار تـطـرب بالـهـا

هـي شـف قلـب لحتمـت ضخاتهـا عـبـر الـوريـد
يـعـيــش فــكــري جــوهــا وفـنـونـهـا واثـقـالـهـا

وتعيش نار الجرح مع صمتي على حلمن سعيد
والحلـم هـي مــا غيـرهـا تبـقـى مـعـي وابقالـهـا

عاهـدتـهـا مـــن الـلـيـال الـســود لازم اسـتـفـيـد
مــن حلـوهـا مــن مـرهــا وافـراحـهـا واهـوالـهـا

وان الــدروس الطيـبـه واعلومـهـا اكـبـر رصـيـد
تـعـلـم الـشـاطـر خــروجــه لا نــــوى مـدخـالـهـا

بإذن الله الرحمن جرح الليـل يصبـح يـوم عيـد
والطيـبـه تلـفـي وفــاء وان مــا لـفــت رحنـالـهـا


الشاعر/ عواض بن بهلان العويمري