ابيات مهداه للإعلامي عبدالله خيرالله العويمري
 

نجوم الشعر يهدون الإعلامي المميز عبدالله خيرالله ابن حليس العويمري مجموعة من الابيات الشعرية

[frame="9 90"]



https://pbs.twimg.com/media/Cj8yK15XAAE_FqF.jpg


انشدك عن رجال بالطيب مشهور
قليل مثله من عيال القبايل

بالطيب أله مرسى وأله مد وبحور
رجال وافي في جميع الخصايل

أبوه خيرالله اوبالخير مذكور
وجده احليس اللي فعوله جزايل

ابو فايز العويمري

----------------------------

هذاك عبدالله نعم مابه غرور

صدقت يانافع بنظم المثايل

فعلن رجل وحليس جده ومخبور

بالفعل دون معبسات الشمايل

الشاعر سليمان ساير

----------------------------

والله وسبع انعام قدرٍ ومقدور
من روس قومٍ يفعلون الجمايل

الوافي اللي بالجزيلات مامور
مايحري الا في خيار الجزايل

سحيمان بن قعبوب.

--------------------------

اللغز يشبه بدجاء فجت النور
واضح وتفخربه عيال الحمايل

عبدالله اللي له على الكايده دور
حفيد من كفه يسو الهوايل

حليس كفه لاضرب يبتر نحور
ماهو حفيد اللي يضيع القوايل

#طاهرعايض

-----------------------

عبدالله من اول به الطيب مذكور
حفيد عز من العصور الاوايل

من حصل الشيمه كفو مابه قصور
حصل مديح الشيخ واف الخصايل

شيخٍ كفو يمدح كفو مابها زور
نافع سمي الطيب قول وفعايل

#عبدالرحمن_سويلم_العويمري


---------------------


معروف لا عدو هل العز والشور
عبدالله بن حليس وشك زايل

نسل الرجال الي لهم بالفعل دور
يوم القاء بالسيف فوق الاصايل

عواض بن بهلان

-----------------------

يستاهل المدح باالطيب مخبور
تشهد على فعله جميع القبايل

هذا ولد خيرالله ومن ماكر صقور
وجدانه اللي كاسبين الاصايل

أبو محمد


-----------------------


شهادتك ي خال نورنً على نور
مدحك لعبدالله راع الأوايل
وجده لامنه غزى يكسب الخور
يطّلع على الاولى طلوع الهوايل

الشاعر عويمر سويلم ابو عمر


-----------------

هيض هجوسي شاعر ن ماهو مجبور
يمدح وريث حليس واف الخصايل
عبد الله الي بالمهمات مذكور
ماشن على نهج الجدود الاوايل

الشاعر ثاري خضران العويمري

-----------------------

انكان تنشدني بنى سرح وجسور

دون القبيله والخوي بالصقايل

هذا ولد مطنوخ بالطيب مذكور

خيرالله المعروف قول وفعايل

مربح سعود العويمري


---------------------

اخطيت باول كلمتن مير معذور
النجم واضح مثل برق المخايل

نجمن سطع ضوه وبطيب مخبور
عبدالله بن حليس وراس طايل

الشاعر ابوسلطان العويمري


-----------------------

عبدالله إعلامي وشاعر ومشكور

كسب نعم وأكثر بكل الوسايل

من بيت عز وطول الايام معمور

و ذخر اعقداء ومطوعت كل عايل

الشاعر عايض بن جوهر ابن عجوين

---------------------------






[/frame]