منتديات العوامرة - بني رشيد - زايد ابن عدله وناصر المظيبري

مساءالخير
اخواني اعضاء وازوارمنتديات قبيلة العوامره اضع لكم المحاورة التي جرت في بين الشاعرين المبدعين الشاعر ناصر سليمان المظيبري(شاعر ابانات) والشاعرزايد ابن عدله (شاعر العوامره)

ناصر المظيبري
يامرحباء وابرك الساعات يالحاضرين ---- في حلة أهل المواقف كلها كلها
المسلم اللي يـواعد ربعه المسلمين ---- يجي ولو كان كبده مـابرى غلها
زايدالرشيدي
فيك البقاء واجرد الطاروق للسامعين00زل المعاني على صدور العرب زلها
المسلم اللي يغيب بيوم غزوة حنين00قله ياناصر فروضً فاتتك صلها
ناصر المظيبري
أبشر بما يرضي الجمهور والعارفين ---- وعلومناء طيبه وتـبين في حلها
يازايد الطيبه من عادت الطيبين ---- لكن قله ونفسك قـلها قـلها
زايدالرشيدي
كل اهل ابانين معك ترجح الكفتين00عساك تقدر حمول القوم وتشلها
اثريك ماتقدّر الحضار واللغايبين00تجرد سيوفك مع اول ليل وتسلها
ناصر المظيبري
أهل الجبال معروفه بالوفاء من سنين ---- وأنـا ليا جيت للوقفات عملها
ياعويمري ماغلطناء خل قلبك فطين ---- ولي سواتك دروب القوم يدلهـا
زايد الرشيدي
ما أقول فيكم ردى شعار وملكعين00لكن ليلى تغطرف لي وانا خلها
مالي دخل مير ياناصر من العايدين00ماني وكيل البشر ماني بربلها
ناصر المظيبري
عارفك شاعر ولك وقفه وجنبك متين ----لكن ليلى ليا جـيناك نحتلها
ياصحبي يـاولد عدله من الفايزين ---- يـاللي تجمل وربعك ماتجملها
زايدالرشيدي
اثريك من صكت الايام سيفك سنين00يمكن اليا من غزيت القدس تحتلها
ياصاحبي مانت شيخ القوم بالرافدين 00الله يعز الجبال ومن سكن ظلها