|
معجزة زايد ابن عدله
البارحه حلمي عسى واقعه خير ==مثل السحاب اللي تقافا مخيله يالله حسن الخاتمه والتدابير== ياللي تعز النفس لو هي ذليله لاحت بروقه في خياله من اعصير == من خلقتي ماشفت برقً مثيله شمخ مقاديمه اسوات السواطير == سبحان من خلى امزونه ظليله اليا برق قامت تحن المزابير == واحريت ماها مير ماسال سيله عسعس عليه الليل واقفى محادير == عده رهاوي مير صافي صميله روح عليه من الجنوبي شخاتير == واقفى هبوب النود تطرق شليله زمه سرابً حال دونه مقادير == لين اتقى عن شوف عينً تخيله انشد وادور لي عطاشا على البير == واقول وين العلم بايى وسيله ياخذ منه عبره ودرسً وتفكير == قدام لايفرق خليلً خليله دليل واضح مايبا عنه تفسير == مثل الزناد ان ناش خشم الفتيله عينً تراعي له بحشمه وتقدير == والعين الاخرى ودها بالفشيله اضحك واسولف له عن كليب والزير == واقول انا صاحبك راعي طويله تاهت احلومي بين شرحن وتصوير == واللي عرف واديه يعرف مسيله ياطير ابن برمان ماشفت لي طير == طيرن غدالي قبل تسعين ليله الشوف غره والحباري مخامير == واومي بملواحي ولاله عقيله لفه هواء الغربي بعج ومعاصير == واقفى وانا مالي بفرقاه حيله ربه عطاه من الوصايف نوادير == اهدف طويل ادقاق كفه جليله شفي ومقصودي معه ياعرب غير == لو ان حظي ماسرج فيه خيله ياليت من يذكر لي الطير بالخير== لا اصير انا مجنون والطير ليله دقت عليه اهجوس صدري مزامير== والارض جردا والسماء مستطيله |
بيض الله وجه قايلها ويعطيك العافيه على النقل
|
صح السانك ويعطيك العافيه
|
اقتباس:
ابيات جزله وعجزت اختار ابيات منها لأنها كل بيت اجمل من بيت وكل بيت له ثقله شعر ومكانه ومعناه كل بيت اروع من الأخر لله لله درك ياشاعر الحرهـ تقبل تحيات واعجابي الجزل اخوك فيصل حمد العويمري الرشيدي |
صح لسانك يا أبن عدله قصيده رائعه ومشكور على النقل ابو فائح
|
بيض الله وجه قايلها ويعطيك العافيه على النقل
|
ماشاالله عليك
عزالله انك شاعر وفخر العوامره يالذيب وافيه من شاعر وافي وله بالجزلات مدهال |
صح السانك المعجزه /الشاعر زايد عاتي الرشيدي بيض الله وجهك |
اقتباس:
وصح لسانك |
صح لسانك يابن عدله بيض الله وجهك قصيده رائعه ومشكور ابو فائح على النقل |
| الساعة الآن 04:28 AM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
.