قلبت حظي للشاعر / حامد زاكي العويمري الرشيدي

قلبت حظــــــي بيـن لنــــــدن وبيروت ... وبيــن الحجـاز وبيــن سكانت السيـــــف
واخـــر زمانــــي شاتني بالقدم شـــوت ... شوت الكـــور مابيـن ربـع(ن) ملاقيــف
أحد(ن) يبيها قول وأحد(ن) يبي أوت ... وأحد(ن) يهدفهــا علـى البــاب تهديـــف
تلعـــب بــي الدنيــا كمــا لعــب بيلوت ... بين أربعـــة لعــــاب والكـــل حريـــــف
نوب(ن) عليه حكمها حكــم طاغ،ـوت ... ونوب(ن) كما السكـر بزين المراشيــف
ونوب(ن) توديني على حفــرة المـوت ... ونوب(ن) تمشيني على روضــة الريف
خلتني أسبـــر ليلتـــي تسعـــة بيــــوت ... والعاشر أجلس به تقل واحـد(ن) ضيف
متدهـور(ن) لرجـــع ورايـه ولافــوت ... لـــولا الله أنقذنــي بزيـن التصـاريــــــف
امشي بلاغتـره وثــوب(ن) ولاكــوت ... يــوم أن بعـض الربــع عـادوا مناكيـــف
وسبحت بحرا ماسكن وسطه الحـــوت ... ووطيت صحـــراء ماذكـر مثلها وشيـف
وأسكت مع اللي ياهلي دايــم سكــوت ... وألعــب مع اللــي يلعبــون الغطاريـــف
واليوم شبت ونحت في عالي الصوت ... مالـــي علـــى مافاتنــي من تحاسيـــــف

السلام عليكم ورحمة الله وبركاته

نشكرك على تواجدك ومشاركاتك المميزة واهتمامك بقصائد الشاعر نواف حامد زاكي العويمري

ولهذا تم فتح قسم خاص لشاعر نواف حامد العويمري في
منتدى شعراء القبيلة
على الرابط التالي
http://www.al-awamerah.com/vb/forumdisplay.php?f=10
علما بانه تم نقل القصائد

تحياتي لك ..

صح الله لسان الشاعر نواف حامد
ومشكور ياخالد على النقل والابداع

أشكرك أبو يزيد على المرور الاكثر من رائع وتقييمك شرف لي ... والقصيده للشاعر ( حامد زاكي العويمري )