قصيدة الشاعر / نواف حامد زاكي العويمري الرشيدي

,,, ماهي أول محبـــــه ,,,

من يقـــــــدم عيونه وش تقدم له أنـت
هل تقــدم عيونـــــك أو عليها تزيـــــــد
ضنتي فيــــــك وافي ماتقول أنت كنت
كل عضو(ن) بجسمي لك على ماتريد
نور عيني بقلــــــبي يشهد الله سكنت
لك محل(ن) بقلبي مثل حبل الوريـد
والله أنـــــــك لروحـــي بالمحبـه وزنت
يشهـــد الله على ماقـول ثم القصيـــــــد
في عيونك جرحت وفي جمالك فتنت
لك بقــــلبي جـروح الله عليها شهيــــــد
ماهــي أول محبـــــه كم ولد حب بنت
قبلنا ياحبيب الـــروح عليــــاء وزيـــــد
مير داو الجــرح اللي بسهمك طعنت
لاتزيد الجـروح جـروح وأرحل بعيـــــد
مع طريق الغرام أن خنت والا ماخنت
أعـــرف أن الجــــفاء يامنوتي مايفيـــــــــد
اه يامعشـر الأحبـــــــاب توي فطنت
محسب الحب يجرح مثل سيف الوليــــد


الشاعر ... نواف حامد زاكي الرشيدي

قصيدة جزلة بارك الله فيك اخوي خالد على نقل قصائد الشاعر / نواف حامد

تحياتي لك

تسلم على المرور الجميل يا اخ ابو سامي

اخوي خالد دائما لانرى منك الا التميز وهذا ليس غريب عليك
ونتمنى لك التوفيق والإستمرار
وبنتظار جديدك

صح السان الشاعر نواف حامد العويمري بارك الله فيك اخوي خالد على المشاركه القيمه

أشكركم جزيل الشكر على المرور الجميل .. وتقييمكم شرف لي
ودمتم ...