لمست بخفة

لمست بخفة احساسك من اسرار الخواطر شيّ
بقيت اقول واثرك سبقت اللي على لساني
خيالك يطوي ابعاد المشاعر في جناح طيّ
لفح عش الضمير وبنت للأعيان جنحاني
سميت بروح شاعر عبس عن شبح الظنون السيّ
شفافيك الخيال وحام دونك طير الاعياني
غرور الشعر ما غرك ولا ياسعك شيٍ في
تعابير الكلام تضيع مني وانت تلقاني
نثرت في القصيد ورود روضٍ في خريف يديّ
تذوب بعالم ابداعك مثل سرٍ بكتماني
تعال اعطيك يا سعدان من شعرك ورده ليّ
وصافحني على مر اعترافاتي وحرماني
تهيض واجبر الخاطر على ساق الشرود شويّ
ترا صمتي غريبٍ والقوافي منك الاوطاني
لك الله ما بقا في شوقي يا رفيقي حيّ
إلى في تذكرتك نسيت بذكرك احزاني
مناجاتك تكسرّ بي مثل كأس الظما في الفيّ
تنفس بردها في واهج انفاسي وواساني
رفيقي يا رفيق الدرب معك الدرب نار وميّ
وفاك اشجع من دروبٍ برمح الخوف تنحاني
رعاك الله بر الصداقة يا شريف الزيّ
عسى عمرك طويل ولا يضميك ضيم الازماني

الشاعر حمد حميد الرشيدي

صح لسان الشاعر الاديب حمد حميد
ولاهنت على النقل