محاوره بين الشاعر خالد القصاني وعياضه الرشيدي

عياضه الرشيدي

ياسلام الله سلامن على اللي حاضرين
الرجال اللي مع الوقت شفنـا افعلهـا
وين شاعركم نبي ناخذ الطرق الحسين
والمعانـي لاتمـره نبـي يصحلهـا

خالد القصاني

مرحبا ياللي سلامك لكل الطيبين
ورجالأهل الوفا حافظه تبجلها
جيت بصدفه وابا اعطيك حاضرماهودين
هات علمك والمعاني نباء نبديلها

عياضه الرشيدي

علمنا اللي نبتديبه على شيـن ثميـن
وكل شاعر يعـرف الطيبـه لاقلهـا
لاكنني بنشدك عن مكان(ن) له حصين
والـوازم لانـوت قاصـرات احبلهـا


خالد القصاني

الردية شوتها لليسار من المين
والجزيله كل طيب يبي يحتلها
المكان اللي تقوله خيال او شوف عين
الديار أمن وأمان وسيوفك خلها

عياضه الرشيدي

المكان اللي تشوفه عيونك وين وين
نظرتك ياصاحبي لاتـروح لحلهـااا
الديار أمن ومان وكلها عند الفطين
خادم البيتين مبطي مسك سلسالهـا

خالد القصاني

المكان اللي تشوفه عيوني كل حين
ودي أعلمك لاكن توه حلها
أنت غيرت التجاه السفينة ياذهين
والبلاد من دونها سيوفنا ونسلها

عياضه الرشيدي

ياهل الظلعان عيت نوايكم تزين
والشجاعه لو تعطل معك اتبلها
انت من جلاك عنا لدار الذاهبين
والديار محدده والدروب اندلها

خالد القصاني

أهل الضلعان يبنون فوقك لبنتين
كان زليت الطريق الدروب اندلها
أنت الشوفك قمة تحرث بيدك لسكينين
مير انا صاحبك اباء ارخ الرسن ومهلها

عياضه الرشيدي

انت علمني وش اللي حصل يابو حسين
حجتي صديت عنهـا وانـا صاحلهـا
خايفن من كلمتن في رياض الصالحين
بس ابسولـف معـك بسوالـف كلهـا

خالد القصاني

كان تبغا الحق جحتك فيها علتين
وكان عندك من يشجعك روح وقلها
السوالف مع هل المعرفه ماهي تشين
مير قلي وش سوالفك مره هلها

عياضه الرشيدي

انت هاذي عادتك تنكر الحق المبين
اتبع اهل المعرفه والمهبـل خلهـا
لاتخلينا نفتـش قبـور الميتيـن
اشرب الماء من يميني وكبدك بلها

خالد القصاني

أنت ماثبت حجتك ودور لادين
مير طاوعني لاعاد العرب ترسلها
أهم حاجه لاتحفر قبورالمسلمين
روح منا للعجم وجتهد ورطلها