محاورة بين الشاعر سالم العويمري و نور نوران المكيحلي

محاورة بين الشاعر سالم العويمري و نور نوران المكيحلي

سالم ساكر:

يامرحبا بالشاعر اللي يبدع القاف السمين=من هاجسن عز وفخر واللي عقدها يحلها
قولو لبوعاصم تقدم ياعسى ربك يعين=في يوم والا في شهر واللي عقدها يحلها


نور نوران المكيحلي:
سجل يابن ساكر على مفلح بوسط اللوح دين=يبقى سنه ولا دهر واللي عقدها ايحلها
فيك البقا واقلط يابن ساكر على العلم الثمين=من هاجسن مصدر بحر واللي عقدها ايحلها

سالم ساكر:

الله يسلم صاحبي والدرب الايسر والايمين=احذر منه واخذ الحذر واللي عقدها يحلها
شعارنا يانور ابن نوران فوق الاربعين=واللي زهمته ماحظر واللي عقدها يحلها


نور نوران المكيحلي:
السن حقه سن وايضا العين حق العين عين=نبى انتوسط وانعبر واللي عقدها ايحلها
ماني محامي للقروب ولالك ابمخباي دين=كلن واله وجهت نظر واللي عقدها ايحلها


سالم ساكر:
الناس ماتبغى الحقوق اللي بها علمن يدين=مدامها واحد صفر واللي عقدها ايحلها
اسمك كتب بالوح الا يانور ضمن الاولين=عندك ترى علم وخبر واللي عقدها ايحلها


نور نوران المكيحلي:
الحق يارجال حق ونوب قطاع الوتين=اللي بقى ميت نفر واللي عقدها ايحلها
البنت والرجال فيها بالعشاء متشاركين=كلن يبى قطف الزهر واللي عقدها ايحلها




سالم ساكر:
اليانحت انحت حجر والدرب درب الغانمين=والعسر من بعده يسر واللي عقدها يحلها
السالفه هذي عساها تزين والا ماتزين =من بدو والا من حضر واللي عقدها ايحلها





نور نوران المكيحلي:
سالم يسلمك الولي جعلك من اللي سالمين =يسرين مع واحد عسر واللي عقدها ايحلها
اليا نزلنا ياعميلي الخير بارض الرافدين=وفيت وابذبح نذر واالي عقدها ايحلها

مشكوووور اخوي بدر على المشاركه في المنتدى كما عودتنا على الجديد وليس غريب عليك الاهتمام
صح الله السان الشاعر نور كما عودني على الابداع والوزن الثقيل

صح الله لسان الشاعرين محاوره مميزه

أخوي بدر رحم الله والديك وكثر الله من أمثالك


وصح لساااااااااانك يالشاعر الكبير / سالم ساكر العويمري وصح لسان الشاعر /نور المكيحلي
يامرحبا بالشاعر اللي يبدع القاف السمين=من هاجسن عز وفخر واللي عقدها يحلها
قولو لبوعاصم تقدم ياعسى ربك يعين=في يوم والا في شهر واللي عقدها يحلها

لله درك علئ هالبيوت الجزلة والمحاورة كلها إبداع

صح الله لسان الشاعرين
محاورة من الوزن الثقيل

صح لسان الشاعرين سالم العويمري وأبو عاصم