طاروق بين شاعر الضلعين ناصر سليمان المظيبري والشاعر زايد ابن عدله

تعال يازايد يابن عدله قبل وقت العصر
عطني علومك يابن عدله والعلوم مجمله
احدن على سطح القمر واحدن يعيش بلاذكر
واحدن وجوده يالرشيدي كل نقص يكمله
زايد ابن عدله
جيتك يابن ذيخان من باب التشعب لا الحصر
يوم ان كل" حط له فوق المطيه وسم له
تفتي بمصر ولا احد" يعرفك يامفتي مصر
واسم" حملته ما انت قده بس طعني همله
ناصر المضيبري
بسم الله الرحمن لوزايد على بطن وظهر
ايقلبه وقته ترى وقته بهمه حمله
ياللي بنيت القصر ليش العيب في ساس القصر
مادام هذي هرجتك باقي كلامك شمله
زايد ابن عدله
من طاول اطول منه ياناصر مع أيامه قصر
وانا زماني ما رماني مع يتامى وارمله
لا والله الا ساسنا من عز ما لحقه قصر
ماني مثل غيري يدور خال جده وأم له
ناصر المضيبري
ترى وجودي معتبر والا انت مانته معتبر
لكن يالحمال نزل عفش والا حمله
ياللي تعز الساس واصل الساس كله ومن وخر
اكرب حزامك والزمل جت بالعتاد محمله
زايد ابن عدله
ان كان ناصر في كلامه ياهل الميقاف أصر
حنا عطيناه العسل لكن يحسب سم له
ابلادنا واجدادنا هنا وطنها من عصر
ماهي شرايد مثل ثوب مايفصل كم له
ناصر المضيبري
غرقت في موج البحر وتقول سباح البحر
عطيت زايد علم والاخر اشوي اكمله
اهناك والا اهنيه ماحنا على شارع ممر
واللي يدور للجماله ياكريم اتجمله
زايد ابن عدله
ياهلال قدرك مرتفع صعب" يجاريك النصر
خلك على سطح المنصه وان مرك وم له
ايو الله إنا عنك نكرم يا محزمت الخصر
لكن من يبغى المعونه يابن مضبر زم له

صح الله لسان الشاعرين
ولاهنت يا ابو عيسى على النقل

صح الله لسان الشاعرين
وبانتظار جديدك