اليابدينـا بـخـلاق البـشـر نستعـيـن = الخالق اللي من المنشـا يسـوق الغمـام

بسم الله الرحمن الرحيم


اخواتي واخوانى الكرام السلام عليكم ورحمه الله وبركاته
حبيت ان انقل لكم بعض الابيات من قصيدة / معيتق بن عبدالرحمن العويمري الرشيدي
وهى قصيدة طويله جداً ولكن للآسف لم احفض منها الا هذه الابيات وانشاء الله احاول ان اتي بها كامله فى مابعد :-



[poem=font=",6,black,bold,normal" bkcolor="white" bkimage="" border="none,4," type=0 line=0 align=center use=ex num="0,black""]



اليابدينــا بـخــلاق البـشــر نستـعـيـن = الخـالق اللـي مـن المنـشـا يســوق الغمــام
غافـر ذنـوب العبـاد الركـع الساجديـن = اللى فرض خمسة الاركان منهـا الصيـام
ارجي منه رحمتـه وستغفـرة كـل حيـن= يوم القيامـه وساعـات اللقـاء وازحـام
ويامغربٍ مـن هجـر لوتنتظـر ساعتيـن = تحمل مراسيـل مخلـص صـادقٍ بالكـلام
سلم على الدار واللـي برضهـا ساكنييـن = وحمل لهم من صميم الـراس كـل احتـرام
دارٍ نعـود عليهـا لـو نحتنـا السنـيـن = شمـال ديـرة رسـول الله عليـه السـلام
من حد طيبة اليا الابيـض اليـا الشعبتيـن = ومن الثمد يوم تشمل لين تصـل الاخطـام
ومن وادي الجول لجبال الرقب مـن يميـن = ماكف وادى الرمه لقصى اريـاض النعـام
ومن حد ابانـات واللـي دونهـن واقفيـن = يـوم المكايـد ودخـان الفشـق والسهـام
يازين هاك الفيـاض اليـا نزلهـا القطيـن = ويازين فى دوحها الناعـم هديـل الحمـام
مدهال حم الشعـاب مهجرسـات الحنييـن = شيب الغوارب طويـلات القـرى والسنـام
حم الذرا اللى لـك الكفـه عليهـن تبيـن = من دونهن يستباح السيـف ضـد الخصـام
من طش هاك الجهام من الوطـى للبطيـن = يبعد اهمـوم الفـواد اللـى طـواه الهيـام
برضٍ بها الطيب وهـل الطيـب والطيبيـن = ماغادروها سلايـل عبـس نسـل الكـرام
بنى رشيـد اهـل الطـولات علـمٍ يقيـن = سـم المعـادي الياوصلـت لسـل الحـزام
قـومٍ الياقامـت الهيجـاء بقـو صامديـن = ان ادبـر الـلاش والهابـي قليـل الرحـام
لا لولشـن بالملاقـا خاضبـات اليـديـن = وشتـد هـول القتـال وكـل زيـزوم زام
يرقون صرح العداء غصبٍ على الحاقديـن = الياتعلـو ظـهـور مطـيـرات العـسـام
كم نزحو مـن اغـزاتٍ ونكفـو مفلسيـن = وكـم صبحـو دار قـومٍ وقبلـو بالجهـام
وكم طيحو راس شيخٍ ويتمـو مـن جنيـن = بمصقلات السيـوف اللـي تقـص العظـام
وعلى سجايـا العروبـه وشـرف ثابتيـن = ومن الندم مـن يعاندهـم يعـض البهـام
ونفوس الاحرار ماترضى على كـل شيـن = وعاداتهـم ماتـوردهـم عــدود الـيـام
يرقـون للطيبـه لوهـي ورى الفرقديـن = ويرهون فيهـا اليامـس الحقـب للحـزام
وخويهـم شيمتـه تبـدى علـى الاقربيـن = يبقـى خـوي النشامـا بشيمتـة مايضـام
ودخيلهـم عـن عـدوه بالمكـان الاميـن = وعدوهـم يفقـد الفرحـه ولـذ المـنـام
ريف الضيوف اليا لفو من فرجهٍ مرهقيـن = لا ساقهم سيل صحصـاح الوعـر والعـدام
يلقـون زينـا القـرا ومفطحـات السميـن = مع كيف هـدف الـدلال وفايـق الاحتـرام
وعلـى محجـة محمـد خاتـم المرسليـن = محجـة الهـادي اللـى ماغشـاه الظـلام
ماخالفوهـا علـى منهاجـهـا مقتفـيـن = يرجون يـوم الوجـاه ويطعمـون الطعـام
قـولٍ علـى فعـل مبنيـن بقـافٍ ثميـن = من حاضر العام هذا وما مضى من الف عام
ولي الفخر يـوم امجـد ربعـي الغانميـن = اهـل النفـوس العزيـزه طيبيـن المقـام
ولاهو قصورٍ بحق اهـل الوفـا السامعيـن = كم صيرميـن بحـر الطيـب لطيـب عـام
وصلوا عدد ماوصل مكه مـن المسلميـن = علـى محمـد رسـول الله عليـة السـلام



[/poem]

قصيدة جزلة من شاعر جزل

والف شكر لك اخوي بدر على نقل هذه القصيدة

واتمنى ان اجد جميع قصائد هذا الشاعر في هذا المنتدى الرائع

شاعر مبدع متألق غني عن التعريف صح الله السانه لاهنت اخوي بدر على النقل بارك الله فيك

صح لسان الشاعر الكبير معيتق

ابيات من ذهب

بارك الله فيك اخوي بدر على جهودك الرائعة تجاه شعراء العوامرة