شعراء بني رشيد يتفاعلو مع حملة اعتاق رقبك حسين الداموكي

مركز عبس الإعلامي والثقافي ينظم اكبر حمله إعلامية فزعه لشاب حسين الداموكي لعل وعسى الله ان يفك اسره..
تكفون ياعيال عبس حسين ينخاكم
صكت عليه القفول وحالته حاله
اعطوه يوم الولي والعاهل اعطاكم
تكفون ياهل الوفاء والعز والطاله
الشاعر ثويمر العجوني
اليا نخينا من اقصاكم الياادناكم
رجال عزٍ على الطولات خياله
عن فزعة الطيب ماتثنى مطاياكم
عادتكم بالوفا لا كبرت القاله
حمد هديرس
حسين ينطر وراقب ويتحراكم
لاتحرمون السجين بشوفت عياله
يكفي فخرياطنايا عبس طرياكم
تكفون كلن نبيه يجود من ماله
الحسين الرشيدي
حسين نادى بعال الصوت يتخاكم
والرجل الولا الموافق ويش ينخاله
مدوه من جودكم يا جعل نفداكم
انتم هل الجود والإحسان والطاله
سلمان عوض بن سحمان
ياعبس يوم المواقف ماتحداكم
ارداكم اللي يدوس الخوف بانعاله
دام انها بالدراهم لاتعداكم
انتم لها بالوفاء وحسين يرثاله
وليد بشير
المصطفى في وصال الرحم وصاكم
ماحدن تصدق ويخسرشي من ماله
حسين محتاج وقفه لاعدمناكم
ياكبرها كان حنا مافزعناله
عادل بن هون
ياعبس ياهل الوفا ماشي يخفاكم.
السيف مسنون والمسجون بحباله
وليا انتخا حسين جيتوله من اقصاكم
اللي يبا ينفعه لا يذخر ارياله
باخت خضر
يالربع تكفون لاتقصر عطاياكم
الكل منكم يجود بشعره وماله
حسين كم له سنه يوم يتحراكم
سجينكم لمتى ينخى وينخاله؟
ليلان الرشيدي
ياعبس ياعبس وأصل العزمبداكم.
انت هل الفعل والهجمات قتاله.
حسين لامن نخى بالضيق يلقاكم.
تكفون تكفون نبغى نحقق آماله.
سعدي البراك
حسين ينخا هل الطولات شرواكم
عبسي لعبس العريقه وجه ارساله
امجادكم كلها من فعل يمناكم
ولي يبا الاوله لاتقصر حباله
سعود العجوني
ياعبس ياهل الوفا والعز مرساكم
حان الزمان وهل الميقاف حلاله
احسين ينخى وبالمرسال ينصاكم
قوموا بعز ومعزه فكو عقاله
عواد العويمري
يا عبس محد(ن) شكى من الضيم بحماكم
انتم اهل الطيب و الوقفات و القاله

الله يبارك و درب الخير مسعاكم

و قولوا ل ابو حسين ماهوا واقف لحاله

مسند العويمري
ياعبس واحد من الاقراب ينخاكم
كل واحد (ن) يدفع المقسوم من ماله
في حاجة الربع والله لافقدناكم
تكفون تكفون قبل السيف قتاله
مفلح النميش
وحسين واحد من ابناء عبس ينخاكم
وعن حكم الاعدام فيكم يعقد اماله
والصدق ياعبس وش حنا بلياكم
اليا اعتزى كلن بعمه وفي خاله
عبدالله مملوح
حسين بالسجن عبر الصوت نداكم
صوته عن هموم قلبه سجل إرساله
تكفون حطوا كلامه في حمى لحاكم
وكلن يعده ابن من خيرة إعياله
تسابقوا للأجر دام الأجر جاكم
كلن لعين الأجر لا يوخر رياله
بدر ربيعان الجريشي .
طابت ليال الجميع وطاب ممساكم
كلن يلب النداء ويصادق اقواله
الوضع ياهل الوفاء لوﻻ ولوﻻكم
يصعب على قايلن مايثبت افعاله
مفلح الخضيري
ياعبس يلي النخاوي من مزاياكم
يافزعة الي عليكم يحذف عقاله
على الوفاء والصخى والطيب مبداكم
وخويكم مايخلى يقعد الحاله
حسين بالسجن واظنه مايخفاكم
والكل منكم يحسبه حسبة عياله
واليوم حان الوعد والعلم ينصاكم
ومن يبذل الخير والمعروف يجزاله
وين اهل الجاه واهل المال يمناكم
مدوله العون والله يرحم الحاله .
مساعد نور الرويضي
ياعبس كل الفخر والطيب مجناكم
الكل منكم على الأمجاد منزال
حسين صوته وصلكم ماتعداكم
فكو سجين المدينه واشرحوا باله
مادامها بالدراهم لاعدمناكم
يرخص له الين والدولار وارياله
عبيدالله دعيع القلادي(جوهر الشعر)
"""""""""""""""""""""""""""
يا عيال عبس الفخر والعز مجناكم
ماضي وحاضر زمنكم وانتم أبطاله
حسين ينخاكم أدناكم واقصاكم
أولى بكم دون غيره وانتم أولى له
حمد حميد الرشيدي
انتم على لازمه مجزل عطاياكم
مجدا يغيث الحزين بفيت اظلااله
واليوم هذاولدكم والخبرجاكم
والي دفع شي الجل الله يبقاله
فوزي بن مربح القلادي
ياعبس بالفزعه حسين يتحراكم
حسين بعدالله المعبود حناله
أكيد ماخاب ظن الي ترجاكم
ولاينحني من تعزوى وانتم رجاله
مبارك محمد الحياني الرشيدي
ياعبس ياهل الوفاء يطيب مجناكم تكاتفو يأهل الفزعات والقاله احسين تذرف دموعه ويتحراكم خوفه من السيف الاجرد يتم عياله بشير الخضيري
ياعبس بالطيب والفزعه خبرناكم ياعز من ضاق من الجور الزمن باله وحسين ياعبس من بلاواه ينخاكم تكفون تكفون لاتخلونه لحاله شبيب العايضي
ياعبس وقت المهمه لاعدمناكم
فزو على الخير رجليه وخياله ن
حسين وده بكم من قبل فرقاكم
من قبل لاسيف يقطع حده اماله
محمد سعدي المهيمزي

تكفوون ماخابت الهقوه بشرواكم
حلفتكم بالولي وقلوبنا رساله
من خلف سور الحديد حسين ينصاكم
وش بعدها ودمعة امه له تحراله
ممدوح راشد

يابنا رشيد الحميا هي مزاياكم
يوم الحميا بعض الناس بطاله
حسين تكفون واحد من دناياكم
والوقت قرب وضع حسين يرثاله
سليمان ساير العويمري

ياعبس ياهل الوفا والجود ننخاكم
وحسين ينخا رجاله وانتم ارجاله
ماخاب ياعبس من ضاق وتنصّاكم
قدام ياصل تقولون السعد فاله
مفلح المهيمزي

الخير مقبل وحق احسين .. ناداكم
يا مسند حسين فيكم تارد.. احباله
برق التباشير .. لايح فى .. محياكم
والوقت كالسيف والاعمال حصاااله
خالد بن منصور القعبوبي

تكفون ياعبس والمطلوب بحماكم
بوجيهكم بان ميقافه ومدخاله
وانتم حمات الدخيل الياتنصاكم
وحسين ينخاء وصوته بحت احباله
خاتم حاضر المهيمزي
ياعيال عبس الوفاء والطيب مبداكم
وانتم هل الجود والمعروف والطاله
تكفون ياهل الحميا حسين ينخاكم
وده على شوفة امه وشوفة اعياله

عايد العويمري

ياعبس لولى المكون ثم لوﻻكم
ماسطر المجد والتاريخ وفعاله
وقضية حسين صارت هي دعواكم
تكفون ياعبس ﻻحد يشح برياله
فارس المظيبري

ياعبس والله ترى الشرهات تبلاكم
وبعض المشاريه حساسه وقتاله
فكو حسين الذي تعب إيترجاكم
لوقص تبقا على عبس الوفاء عاله
محمد عايض بن سنين
يربع مسجون عبس اليوم ينخاكم
ينخى بني عمه الي تكسب الطاله.
وعيب وفضيحه على الي مثل شرؤاكم
دخيله ايضيع وهومجودن ماله
صالح مبارك احمد الرشيدي

يعطيك الف الف عافيه يا عبدالله على النقل
وأسأل الله ان يفك اسر حسين
وصح لسان الشعار جميع

الله يفك اسره

صح لسان جميع الشعار
والله يفك اسره

أسأل الله ان يفك اسره وصح لسان الشعار جميع