عزي لمن ماله مثل ربعي على الشده عوين

بالطيب مـاحنا عـيال اليوم من ماض السنين ... عــوامـره مـــن روس قـومـن بـالـعلا مـنـزالها
عــوامـره تــعـرف مـواقـفـنا بـقـسـا ولا بـلـين ... الله خـلـقـنا بـالـبـسيطه مـثـل شــم جـبـالها
عـلـى مـاقـالو بـالـمثل عـلـم الـحيا والـخيرين ... يـبـيـن ورجـــال الــوفـاء مـثـله تـبـين افـعـالها
عزي لمن ماله مثل ربعي على الشده عوين ... الـيامنه اونـس ضـيم مـن ميل الدهر يلجا لها
عـوامره فـي سـاعة الـشده مـواقفهم تـبين ... مـال الـمواقف فـي نـهار الـضيق غـير رجـالها
كـلن يـقول بـلازمك خـذني على يدك اليمين ... الـيـا قـصـرت يـمـنا قـلـيل الـمـرجله حـنا لـها
حـنا هـل الـوقفات مـن مـاض الـجدود الاولين ... وتـمشي عـلى مـنهج مـزبنة الـدخيل عيالها
وهـبه مـن الـلي كون المخلوق من مآ مهين ... بـالـموقف الـلـي مـايـعز الـنـفس مـا نـرضالها
وان كان مايحسب حسابك وانت ربعك طيبين ... تـبـغى تـحـيا وتـمـوت وانــت بـحالتن يـرثا لـها
مـدحي لـربعي مـاينقص مـن حقوق الاخرين ... فـي كـل صـوب وكـل ديـره حـقها مـن رجالها

الشاعر/ مسعد سعود العويمري

صح لسان الشاعر مسعد العويمري
لاهنت يامرزوق على النقل

عــوامـره تــعـرف مـواقـفـنا بـقـسـا ولا بـلـين ... الله خـلـقـنا بـالـبـسيطه مـثـل شــم جـبـالها

صح الله لسان الشاعر مسعد العويمري
وبيض الله وجهك يامرزق على النقل