محاورة مختار الدويخ ومحمد الحربي

محمد حامد الحربي؛
سلام الله على شاعر مخضرم يتعب الشعار
سلامن كنه الريحان ي مختار والكادي

انا ابلعب معك طاروق ي مختار وانت اختار
يشرفني ليا غنيت بك ي نسل الاجوادي

مختار الدويخ؛
هلا يامرحبا ترحيبـةً يسوقها مختار
تراحيب الوفا والطيب وارثها من اجدادي

على رد الوفا يامحمد الحربي مني محتار
نشرفك وتشرفنا ب حضورك ثان الاعيادي

محمد الحربي؛
يدوم ابك البقى وانته سنافي من رجال احرار
سلايل عبس والعبسي عروشه فوق الامجادي

ترانا مع هل الطنخه نشوش ونفدي الاعمار
ودعوتكم شرف وانا على عهدي وميعاااادي

مختار الدويخ:
هذا والله من طيبك فدوك اهل الردا والعار
اعد الحق من طيبي واحارب خاين بلادي

ترانا نقدر اللي يستحق القدر والمقدار
وعدانا هادمين بيوتهم يشهد بها الوادي

محمد الحربي؛
فداك الاش ي مختار والانذل والأشرار
وانا والله مع المطنوخ مطنوخين ومفادي

مشينا مع يمين الخط مانطمح نروح يسار
عوايدنا من الاجداد تلقاها بالاحفادي

مختار الدويخ؛
خطاهم يامحمد تعتذر من كبره الاعذار
ولا ينكـر خطاهم غير نكّـارً وجحّـادي

مانبلش في مثل شرواك يالي مبعد الانظار
ماتجهل بالرجال وتعرف المظلوم والبادي

محمد الحربي؛
انا ماودي ادقق وركز في جميع أصغار
واتعب حالتي وضيع في تفكير وجهاادي

تراها طارة اطيور البحر لا تتعب الأنظار
ولا به خير شين يعتريه اضداد وعنااادي


مختار الدويخ؛
حقيقه والحقيقه يامحمد ماعليها غبار
نصر والنصر سمعت فيه كل الناس بالرادي

صحيح اللي تقوله يوم اخذها فالمطار وطار
وخلّا اعداه تعرف معدنه وتصيح وتنادي