العبسيية :الشاعر / بادي مرزوق عبيد الرشيدي

(العـبســــــــــــيه)

فـوق السمـاء رازق وبـالأرض حسـاد=والعلـم واضـح والشواهـد دليـلـه

ليا عاد مـا ذكـرك للأذهـان رعـاد=ما ينفعك لو قـال مـن قـال قيلـه

وليا صار صيتك ساطع فـوق الأشهـاد=ما يخذلك راعـي العلـوم الهزيلـه

حنا سلايـل عبـس حنـا أمـة الضـاد=حنـا منـزحـة الجـمـوع الثقيـلـة

أمجـادنـا يدريبـهـا كــل نـشـاد=وفعولنـا تشفـي الصـدور العليلـه

أمجادنـا مـن قبـل عنتـر وشــداد=وعنتر ربـى فينـا وحـاش النفيلـة

نعم الحصـان ليـا تلاقـوا بميعـاد=الخيـل تقفـي مـا دانــي صهيـلـه

ليـا زاد شـر أعدائنـا شرنـا زاد=عـدونـا نـمـوت مـــا ننحنـيـلـه

بنـي رشيـد ان صـار للحـرب وقـاد=أهـل السيـوف المرهفـات الصقيلـة

من ساس عبـس منزحـة نشـر الأضـداد=قبيلتـي وأفخـر بهـا مـن قبيـلـة

نضرب على الكايد ولا نهاب ما كـاد=وعدونـا لـو مـا يجيـنـا نجيـلـه

رجالنـا مثـل البليهـي ليـا نـاد=من فوق حملـه حمـل أليفـه يشيلـه

قـومِ لنـا فـي ساحـة المجـد رواد=يـوم الفعايـل والمواقـف مهيـلـه

يوم القنا والرمـح والسيـف حصـاد=والخيـل والبـارود يقـدح فتيـلـه

والهجـن والنخـوات وصيـاح وطـراد=يـوم بـه الخليـل ينـسـى خليـلـه

ساعـة لقانـا تقفـي الخيـل شـراد=ونعوقهـا فـوق المـهـار الأصيـلـه

للمرجـلـة نـرقـى ولـلـمـوت وراد=نشـرب مـن حياضـه ونعبـر سبيـلـه

وشيوخنا بيـن العـرب صيتهـم سـاد=ناخـذ ونعطـي والمـواقـف نبيـلـه

منـا سكـن شبـه الجزيـرة ولا حـاد=باقي بهـا عبـر العصـور الطويلـة

متوارثيـن ترابـهـا ورث الأجــداد=ولهـا غـلا بالقلـب محـدن يزيـلـه

دارٍ حماها أجداد يفخر بها احفـاد=وتاريخنـا يملـيـه جـيـلٍِِ لجيـلـه

وجموع منا خاضـوا البحـر باسنـاد=واستخدمـوا فيـه البواخـر وسيلـة

تجاوزوا البحر الحمر نشرهـم غـاد=واستوطنـوا كـسـلا بحـيـلٍ وحيـلـة

علـى ضفـاف النهـر يرعـون الأذواد=فازوا بهـا يـوم المـوارد قليلـة

وفي ليبيا توجـد جماعـات وأفـراد=وايضـا بمصـر النـا جمـوعٍ مثيلـة

وارض الكويت النا بها ربع واسناد=اليا طـار ستـر منقضـات الجديلـة

نجـود لامـن الدهـر صوبـنـا جــاد=كـلٍ يـقـدم واجـبـه مــن حصيـلـة

وان قل بيدين الملاء حفنـة الـزاد=نـكـرم ولا فيـنـا نـفـوسٍ بخيـلـة

والجار لـه فينـا مكانـة ومقعـاد=حسبـة حدانـا ليـن يعلـن رحيـلـه

وخوينـا مـا يشتكـي هـم الأبـعـاد=حملـه ليـا منـه ثـقـل نرتكيـلـه

ودخيلنـا نحميـه مـن كــل هــداد=ولا خيـر فـي مـن لا يزبـن دخيـلـه

هـاذي عوايدنـا تلـيـدات وجــداد=يـا ناشـد التاريـخ عدلـه وميلـه

تم الكلام وزبـدة الهـرج مـا فـاد=والعلـم يكفـي عـن كثيـرة قليلـه

سبحـان مـن ثبـت وطاهـا بالأوتـاد=أعـوذبـه وأستغـفـره وارتجـيـلـه

الشاعر / بادي مرزوق عبيد الرشيدي

صح لسان قايلها وسلمت يد ناقلها يعطيك العافيه

نجـود لامـن الدهـر صوبـنـا جــاد=كـلٍ يـقـدم واجـبـه مــن حصيـلـة



وان قل بيدين الملاء حفنـة الـزاد=نـكـرم ولا فيـنـا نـفـوسٍ بخيـلـة



والجار لـه فينـا مكانـة ومقعـاد=حسبـة حدانـا ليـن يعلـن رحيـلـه



وخوينـا مـا يشتكـي هـم الأبـعـاد=حملـه ليـا منـه ثـقـل نرتكيـلـه



ودخيلنـا نحميـه مـن كــل هــداد=ولا خيـر فـي مـن لا يزبـن دخيـلـه


صح السان الشاعر بادي مرزوق الرشيدي

قصيدة من أجزل الشعر

ولاهنت اخوي ابو بدر
تقبل مروووور اخوك
ذيب الغداري

يسسسسلمو انتقا جميل