الشاعر رابح دحيلان العويمري

[poem=font=",6,darkred,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ياخليف براس الرجم عييت أعـدى=وأونست أنافي مشية الرجل تقصير
واليوم ممشاهـا نقـص ومتـردي=من عقب مانمشي على الرجل ونغير
مثل الجزور اللـي تٌثُـوُتْ تـردِي=ماتنوض لو ترعى من العشب نوير
من عقَب التسعيـن مابـه مسـدي=مثل الطوير اللي يدورج ولا يطيـر
فارق ركـوب مزهيـات الآشـدي=لاجاذب دلو ً ولاشـرب مـن بيـر
متكعمـس يتنـى نوالـه يـمـدي=النفس صغرت والجسم غاد صغيـر
يمشي على العجرى يحوز ويضدي=وركب على عيونه قزاز ومناظيـر
وجـداه يـادوراً لنـا لـو يـردي=يـوم البـداه ومنزلـن بالعثامـيـر
بيـوت بـدو وبابـهـم مـايـردي=وبيوتهـم شغـل البنـات الغناديـر
هوريف طرقي الخـلا المستحـدي=زبن الضعيف وريف ضيف ومسايير
اليا لاح بـرق وصوتـوا بالمشـدي=عسوسهم قدم السلـف والمظاهيـر
وقدم السلف كلـن بطيـره يهـدي=مع النشر يازيـن نـح الصقاقيـر
يبـون دياراً عشبـهـا مستـجـدي=بركون حزمـن مدهـل للخواويـر
اللي عرقهـن عنبـرن فيـه نـدي=وأخير من ريحـة زبـاد بقواريـر
عـزالله انـه ريـف قلبـي وودي=بجفريتن ياخليف غنى بهـا الطيـر
مـن نـو براقـن خيالـه مسـدي=وعطورهاعشب النفـل بالمحاييـر
واليـوم طحنـا طيحتـن مانشـدي=وبنيت قصر بقبلة الغـرس والبيـر
ودنيـا كفـى الله شرهـا ماتمـدي=وين انت وين احبابنا اللي بهم خيـر
اللي علـى كـل اللـوازم تسـدي=اهل الشرف واهل الوجيه المناويـر
وجتهـم مفرقـه الغـلا والمـودي=ورسومهم تبني عليهـا المعاصيـر
وراحوا ولامنهـم سلامـن يــردي=بحكمـة الواحـد ولـي المقاديـر
وباكر ترانا مـع بثـرهـم نـشـدي=يـارب تامرنا علـى كاتـب الخيـر
ومن مات يضرب دربهم مايصـدي=ويفـارق الدنيـا مـراح ومشاويـر

[/poem]

صح الله لسان الشاعر رابح دحيلان العويمري
ولاهنت على النقل سلمت يداك

صح لسان الشاعر رابح
وسلمت يد ناقلها

اخي / العويمري
السلام عليكم ورحمة الله وبركاته
شكرا لك على ومواضيعك الهادفة والمميزة والمفيدة
وبانتظار جديدك ...
تحياتي لك ...

صح لسان شاعرها
وسلمت يد ناقلها

صح الله لسان الشاعر رابح دحيلان العويمري
ولاهنت على النقل سلمت يداك