أشتقت والمشتاق تكثر طواريه / نواف حامد العويمري

أشتقت والمشتـاق تكثـر طواريـه _ والشــوق في بعض المواقيف عله
اليا ذكــرت اللــي تحبــه وتغليـه – المهتــوي يســرح وهو فــي محله
وأنا على قشـر الغــرام ولاويــه _ قلبــــي مراسيـــــم المحبــــــه تتله
حبيت من يسعد خفوقي بطاريـه _ ومثله مـــــع العربــــان ماشفت لله
لاكن زمانــي يوم دارت لياليـــه _ علــي سيفـــــــه بالمفـــــارق يسله
عرضني الغربــال وأتعبني التيه _ كله عقب فرقــاء هوى الــروح كله
أسلــي الخاطــر وهو فيه مافيـه _ كثـــر الطعـــون اللي معـي مستقله
والله من قلب(ن) كثيره مشاكيه _ والله من دمــع(ن) عيونـــي تهله
وأنا أدري أن الحب يأثر براعيه _ وكم واحد(ن) قبلي فقد شوف خله

صح الله لسانك وبيض الله وجهك

بيض الله وجهه مهي غريبه على ابو خالد نواف

لاهنت يابو بدر على المرور الجميل

يعطيك العافيه يا أحمد على المرور الجميل

صح لساااااااااان الشاعر نواف حامد
ومشكور لك ياخالد

مشكور يالنايف ويعطيك العافيه على المرور الأكثر من رائع