مساجلة سوق الحليفه الشاعرناصرالجابر(شاعرالحائط)والشاعر صالح معينان شاعر الباديه

ياماحلا وان جيت سوق الحليـفه
*شافت عيوني شوف يبهج نظرها*
شافت نواوير على كل صيفه
*في روضت عشبه تخالف زهرها
من رايح الوسمي سقاها وكيفه
*الصيف والشتاء مرهشات مطرها
نصحت نفسي مير عيت تعيفه
*لو كان في سوقالحليفه*خطرها
ذولي بنات البدو يعجب صفيفه
*صفت عساكر والمقدم سطرها
واليا مشن بالرجل تسمع رجيفه
*رجيف خيل زاد فيها*ذعرها
ودمعي تحدرفوق خدي سريفه
مثل السحاب اللي الاهي ومرها
من .جمةالمكنون.* يظهر غريفه
والنار في جوفي تطايرشررها
من موق عيني سال همي رعيفه
من دمعتي عيني عسامً سـفــرهـا
ودي بكلمةعطف زينه لـطـيفـه
عني تزيل اللي بكبدي جمرها
والحال يبسةمن شقاها نحيفه
والهم لح الروح حتى دمرها
حالي قضت ماباقي الاالنصيفه
وحب الحبايب مال فيهاواسرها
وياكثرهن مابين جزل وضعيفه
تخلف عقول اللي بعيدً قررها
ومـن بـعـدهـا صـالـح يـرد الـنـكـيـفـه
لـيـاجـاه مـرسـالـي حـروفـي نـشـرهـا
حـيـثـه .دلـيـل الـقـاف. مـثـلـي وكـيـفـه
لـيـاصـعـبـت الـقـيـفـان صـالـح بـطـرهـا
يـلـحـق عـلـى الـقـاف الـمـعـلي رديـفـه
.يـطـقـهـن بـاالـفـكـر.* .طـق وصـخـرهـا.
.وضـف اللـزيـنـات.* .الـمـعـانـي وظـيـفـه.
.صـالـح مـعـيـنـي.* لـيـانـواهـا صـقـرهـا
يـصـبـهـن صــب الـذهـب فـي رصـيـفـه
!.نـوابـعً وانـواع!. فـكـره سـطـرهـــا
.مـثـل الـزهـر.وسط الـريـاض الـمـريـفـه
غـب الـمـطـر مـخـضـار واقـفـا دهـرهـا
مـنـي سـلام وردتـي لـه نظـيـفـه
انـظـف مـن الـهـدم الـجـديـده اغـررهـا
وانـعـم مـن الـديـبـاج زيـن الـقـطـيـفه
والـيـن مـن الـقـطـن وخـلايـب وبـرهـا
.ولا كـمـا در. الـبـكـار ابـعـطـيـفـه
خـورً مـصـاغـيـرً. ابعـيـدً اعـشـرهـا
واحـلا مـن الـسـكـر بـفـرشـه اسـهـيـفـه
واحـلا مـن الـثـمـره عـلـى اول شـهـرهـا
ثـم الـصـلاه اعـداد بـرق ابـرفـيـفـه
واعـداد هـمـالً هـواهـا زجـرهـا

الشاعرناصرابن خلف الجابر

.

يامرحبا مني بنــــــــــفسً لطيفه
*عداد دورات السنين بشـــــهرها .
فبن خلف مكرم قصيره وضيـفه
جاني شريطه مير رجله قصرها
يشكي وشب الحب نارً بلـــــــيفه
الله يكافي شر*ناصرخـــــــطرها
من ماجراله يوم طب الحليـــــفه
صدفه لقاله .درةً في بـــــحــــرها.
امن البداه موصفاتً وصـــــــيفه
رميةهدف صابت من اللي قطرها
عده يفجر وسط قلبه قذيـــــــــفه
الياشاف زبرات النهود بنحرهــا
مثل الفصيل اللي تقدم عريـــــفه
كـمـل وجـاه مـن القـيـاده نـذرهـا
صـفـووطـبـل الـحـرب تـسـمع رجـيـفـه
وتحـضـر الـقـايـد وظـابـط خـفـرهـا
الـــــــزين والله ماخبر من يعيـفه
من كونت الــدنــيـا وخلقت بــشـرهـا
العود بصري طاف منكف نكيـفه
في لمة المسعى قصد ماخصرها
.يامصـــــارعين الحب.* كل بكيــفه
كم لــيــلــة راع المحبه سمرها .
.نوبً ونــيس. ونوب حاله كسيــفه
حتى السديري .بالمعاني ذكرها.
والبيض قـــصتهن تراها عنيـــفه
كم طوفة راع المحبه طمرها
والحب حطم قلب*ناصر*بســــيفه
ونفسه بغبات الجهل ماقدرها*
يبسن غــصونه والليالي مريــــفه
ولوالسحابه علته في مطرها*
يقول دمــع العين يذرف ذريــــفه
ويضا العلاج اللي صرفله جمرها
الحب بركـــان تشظف شظـــــيفه
ولوينكتم وسط الضماير فجرها
وحبً بلا بـــرهان ماله خليــــــفه
نفسه تعود من عماها بقشرها
يقنب قنيب الذيب ويهرف هريـفه
واخطاالعشا واخرجنوبه مزرها
صبحه فضاه وحس قلبه بخيــــــفه
ويقنب وتالي عويته من قهرها
والبدويرعون الدبش في مصــــيفه
والذيب ونشاف الرعايا سبرها
ون كان صادالذيب شاة طريــــفــه
عساه ياكل كبدها مع سحرها
.الياضاق صدري .والقوافي مقــيفه.
قسمت اناافكاري على مختصرها
اخذ .سمين الهرج.* واترك ضــــعيفه
وجمعتها لين انتها مؤتمرها
.!احروف تتلااحروف.! ماهي قضيفه
من !.مطبعة قلبي.!* تعدل نمرها
ونفسي على رد المثايل عســــــيفه
لوالمغني بالمعاني عسرها
والـقـاف لـــو انـه بـهـضـبـه مـحـــــــــيـفـه
.قـلبـي دريــل.* لـيـاتـحـرك نـقـرهـا*
وراع البضاعه ماتجيله بكـــــــيفه
اما يبيع بربح ولاكسرها .
*ويومً لي بالحب شف ووظــــــيفه
قطفت من نبت المحبه ثمرها*
واليوم شيب الراس يمكن نصيفه
وقصرت رجلي عن توطي حفرها
ولاني طبيبً للعيون الكفيـــــــــفه
من ماتحبك خلها في صقرها
وصلك جوابي وانشره بالصحيـفه
والنفس تقنع في طوارف ديرها
وقلوبنا الكم يالسنافي نظـــــــــيفه
وحيات خلاق النجوم وقمرها .
إياك ويا اهل القلوب الضعـــيفه
*اهل النفاق اللي تحمل وزرها .
.ورد المثل.* ماهو علينا كلــــــيفه
!احـروف مـن فـكـر الـمـعـيـنـي جـبـرهـا.
*جدك مشرع للطراقي مضــــيفه
*جوابرً تبقاالمواثر لثرها
لياروحوله بالليالي الهجـــــــيفه
كم حايلاً قبل المعرفه جزرها
حوايطه مثل السيوف الرهيفــه
حتى بلدهم حصنوه بحجرها
كم شيخ قوم جاه وانكف معيفه
واسقوه من سم السقطري كدرها.
والمعذره ياللي ذكرت الحليـفه
لياجتك كلمه من صديق اعتبرها.
الشاعرصالح عبدالله العويمري الرشيدي المعروف بسم معينان رحمه الله

صح لسان الشاعرين المرحوم صالح معينان والشاعرناصر الجابر
بيض الله وجهك على النقل الرائع

صح الله لسان الشاعرين
ولاهنت ياعبدالله على النقل وبانتظار جديدك

صح لسان الشاعرين الكبيرين

ولاهنت اخوي عبدالله على النقل الرائع وبانتظار الجديد من قصايد معينان رحمه الله

صح لسان الشاعرين المرحوم صالح معينان والشاعرناصر الجابر
بيض الله وجهك على النقل الرائع