هاماتنا فوق واسماءنا طبيعيه

لـمـجتمع فـيه شـبه عـقول مـنجنّه
افــكـارهـا تُــــبّ واريــاهــا خـيـالـيه


فـي نَـصّهم يـكتبون الـشيعه السنّه
لأهــداف مـسـتعمره وافـكار رجـعيه


وفـي طـور تـفكيرهم فالمجتمع كنّه
رحلة مسافر على خطوط السعوديه


الـلـي يــروق ويـجـوز الـهم بـلا مـنّه
معهم على العرش ودرجته سياحيه


عـلى سـبيل الـمثل بـإدغامهم غنّه
وتــس اب وسـنـاب واشـياءً خُـرافيه


والـشـيخ لازم بـنـظرتهم يـكـون انّـه
يملك دراهم وبشت وجيب شخصيه


واللي مايملك كذا مهما ضحك سنّه
فـالـمجتمع عـنـدهم مـالـه صـلاحيه


اسـتـغـفر الله تـقـل بـيـديهم الـجـنّه
يــوزعـون الـبـشر عـلـى الـمـزاجيه


والـلـي يـفـكّر كــذا مــا نـتـبعه لانّـه
امـــا بـعـقـله خــلـل والّا ازدواجــيـه


حـنا شـيوخ الـفعل والـساس والعنّه
نــعـرْف بـــدون الـخـطـابات الـثُـنائيه


زحـول مـن ظـن فـينا مـا كـذب ظـنّه
هـامـاتـنا فـــوق واسـمـانـا طـبـيعيه


مــا هـمّـنا فـلان والّا هـن ابـن هـنّه
بـعـيـونّا كـــل خــلـق الله سـواسـيه

الشاعر : زايد ابن عدله