يازاكي ابراهبم جنك مباهيل الشاعر حاتم السحيمي

يازاكـي ابـراهـيـم جــنـك مـبـاهـيل ... مـــن الـمـديـنه لــك جـذبـنا رشـاهـا

غبة بحر ماهي على شاطي النيل ... مــاتــدرك الـشـعـار عـــن مـاطـحـاها

مــن شـاعـر ن لــو دربـلـن الـدرابـيل ... تــــودع شــواعـيـر الــجـزيـره وراهــــا

لاحـاقـها قـامت تـقرشع تـقل سـيل ... الــذايــره يــلـعـن ابــــو مـــن جـنـاهـا

يـسرج لـها الـمعنا لـيا دلـقس الليل ... وتـسـري عـلـى رعـاد مـزن شـعاها

يـاعويمري يـابن الـرجال الـمشاكيل ... الــلـي نــهـار الــكـون مـبـعـد مـداهـا

يــاراعـي الـعـثـمور يـامـوفـي الـكـيل ... ربـعـك هــل الـطـالات مـاحـد كـنـاها

بــنـي رشـيـد مـتـعبة شــرد الـخـيل ... يـــوم اكــثـر الـعـربـان ضـايـع جـداهـا

نـاصـركـم الــلـي دك بـطـيـور ابـابـيل ... فـيـل ابـرهـه عــن كـعبته واحـتماها

ان كـان فـي قافي ظلمت الرياجيل ... ولامــدحــت الــلـي يــشـرف نـبـاهـا

تــحــرم عــلــي دلالــهـا والـفـنـاجيل ... عــقـب صــبـي كـلـمـتها مـايـحـماها

شاعر واحوق القاف حوق المعاميل ... واهـلـهـا هــل الـمـطر مــن سـمـاها

الـيا ارعدت ماضامه الحمل والشيل ... جــمـيـع شــاعــر يـعـتـرضـها فــداهـا

يــاراعـي الـعـثـمور جـتـنـي غـرابـيل ... بـقـعـاء عـلـى الـعـربان زادت غـثـاها

ابــشـر بــعـزك يــازبـووون الـمـعاميل ... مــيـرادهـا عــــد الــــروى مــاحـداهـا

طـويـلة الـنـسوس مـحشورة الـذيل ... فـــج الـعـظـود الــلـي تـوحـا عـصـاها

تـنـطـحتك بـلـيـل وتـمـسيك بـالـليل ... قــبـل يــفـج الــنـور تــوحـي خـطـاها

ان كــان مـاجـاتك بـوسط الـمداهيل ... مــانـي بـحـاتم كــان مـاظـهر بـلاهـا

الشاعر/ حاتم حمود السحيمي

صح لسان الشاعر/ حاتم حمود السحيمي

ويستاهل ابو تركي القصيدة

صح لسان الشاعر ويستاهل زاكي ابراهيم

صح السان شاعرها ويستاهل ابوتركي