قصائد الشاعر بالعقيد شالح بن فالح بن سمره الرشيدي

قصائد الشعار بالعقيد شالح بن فالح بن سمره الرشيدي





دون حد الوطن والدين باع الحطام
يرخص النفس دون حدودها والحرم

من يجي مثل هذا الضيغمي الهمام
فوق راسه رصاص وتحت رجله لغم

د/ احمد الزهراني


دون حـــد الوطن يابو فهد .. للامام
الفعايل كفـــو والاسم كفـــو ونعم

كنك تقول : عش ياموطني في سلام
وامن وامان في ظل الحزم والعزم

مالك الصامل




دون حـد الوطـــن بالفعل ماهو كلام
شامخ الراس [ بن سمره ] وثابت قدم

هكذا القائد الحــر الشــجاع الهمام
صافح الموت من دون اخوياه .. ونعم

مهل الرويضي



سلم بوحك يابن زهران والى الأمام
ياحماة الوطــن دون الملك والعلم

وابن سمره عريب امجاد ذروة سنام
هيبة الجد فخر الأبن منذ القدم

محمد بن عمران


يستحق القصيد الجزل و الاحترام
من فدى ارضه و لا خان العهد والقسم

يابن سمره علي من الفشق و الحزام
ما يسوي سواتك غير شيخن شهم

محمد بن مدعث



دون حد الوطن والفعل يقفا الكلام
جابه الموت (بن سمره)وتحته لغم

دام فينا مثل (شالح)علي الحرام
مايزعزعك يابلادي رعاع العجم

سعود الذيابي



العبن ياهجوسي واطلعن للغمام
ون نزلتن تعلن فوق روس القمم

دام ابن سمره المعني شجاع وهمام
فوق سطح اثريا ودونه اعلا النجم

وأحمد الشاعر اللي قالها بالتمام
ليث غابه تنومس للوطن واحتزم

خاتم المهيمزي



ياعقيد الفخر والعز مني سلام
ياوريث الفخر والمرجاله والقيم

الوطن يستحق وجدك امع الامام
قبل عصر التطور ونفتاح الامم

والله انك وريث الي يحنا الحسام
يكفي ان قيل ابن سمره يقال ونعم

مسند العويمري


حي راس المحنك في نهار الزحام
يوم للموت في قلب الشجاعه قدم

مايهمه مايزرع له عيال الحرام
المهم العدا ماياصلون الحرم

نواف حامد العويمري