سميت بأسم الله للشاعر / حامد زاكي الرشيدي

سمـيت باســـم الله عزيز الجلالي***رب المــلا عـــلام رزق العــبـيدي
وابديت ذكــره في جمـيع ابتهالي***قبل اتكلم في مثـايل نشــــــــــيدي
وخلاف ذا قـــربت هــدف الدلالي***يوم أن كلــن فــي مــنامه مهــيدي
وسويت فــنجالن على كيف بالي***يبري اعماس اللي عماسه شديدي
وقمت اتذكر وش يجي دون حالي***في موقفن مابه صديق (ن)يفيدي
لقيت ما ينفـــع كـثيـر الحــــــلالي***الا اعمـال الخير والله شهـــــيدي
ياعــبد يا مســكــــين بالك وبالـي***بالك تصـــير بحق ربـك عـــنيدي
صوم رمضان وصل حسن بعدالي***وأد الزكاة بكــل عـــــام جـــديدي
والبزر والمســــكين واللي يسالي***عـطـهم ليامن جـوك والله يعـيدي
والجار جارك في جمــــيع المدالي***تراه في وجهــك وحــقـه يــزيدي
عند الرجال اليا ظــهر له مجــالي***يحسب من العيله خشيرن وكيدي
والضيف قـدم له كــثير التهــــالي***حذرا تخفي دون ضيـفك مجــيدي
حيث ليامن راح ينشـــر ســـؤالي***ينشر علومن يكتشـــفها البعـيدي
اما الخــوي لو كان عـــلـيك مالي***أدمـــح له الـزلـه عـلى مـا يريدي
أصــبركما تصـــبر خطاة الجمالي***خلك كما هرشـــن بوقت شــديدي
لابــد ماتـنحــاه عــنـك اللـــيـالـي***والكــل يذكــــر كل عــام وعــيدي
والعـمـــر لابــد أن وراه الــزوالي**والمســعــد اللي عند ربه سعـــيدي
هذا واقــول القاف عـــند الرجالي***واقــدم الرحـمــن واخــز المريدي
وتمت بذكر الـلــي علـيه اتكـــالي***ربي عــزيز الشـأن وهو الحميدي
الشــاعــر / حـامد محمـد زاكـي الرشيـدي

صح لسان الشاعر /حامد محمد بن زاكي الرشيدي قصيدة أبياتها من ذهب ماقول إلا بيض الله وجهك اأخي /خالد علئ نقل القصيدة وننتظر جديدك

يعطيك ألف عافيه يا أخ .. النايف .. على المرور الجميل ,, ورأيك وتقييمك شرف لي

مشكور اخوي خالد ونتمنى المزيد

لاهنت يا أخ بدر .. على مرورك وتقييمك .. والأفضل قادم أن شاء الله

السلام عليكم ورحمة الله وبركاته

نشكرك على تواجدك ومشاركاتك المميزة واهتمامك بقصائد الشاعر نواف حامد زاكي العويمري

ولهذا تم فتح قسم خاص لشاعر نواف حامد العويمري في
منتدى شعراء القبيلة
على الرابط التالي
http://www.al-awamerah.com/vb/forumdisplay.php?f=10
علما بانه تم نقل القصائد

تحياتي لك ..
ادارة منتديات العوامرة

أشكرك جزيل جزيل الشكر يا أخ بدر ... وهذا شرف لي أولا ... ودليلا على كرمكم وحسن تعاملكم
وهذا وسام على صدر الشاعر نواف حامد العويمري ... ولاهنتم وبيض الله وجيهكم جميع
وتقبلــــــــوا مـــــررروري