رد على قصيدة الشاعر :عبدالرحمن سعود العويمري

هذه قصيدة الشاعر: عبدالرحمن بن سعود العويمري

وصلو عواض ابن بهلان ماقاله لساني
.............وعلموه ان البحر قاعه بعيد وصعب شوفه

وكم بحارن يغوص ويرجع بنفس المكاني
...................مير ابن بهلان لاغاص البحر يملا كفوفه

من كنوزن ماوصلها غير ذرفين اليماني
......................ولايبا مني شهاده و الشهاده في وقوفه

ودي انشدك يـاعواض عن علمن خفاني
....................... كيف تنسا فرضها يوم انت بيت الله تطوفه

قالو انه مايحسب لدقايق والثواني
...................ومن هم الي قالو انه ياعرب صعبه ظروفه

وادري انه مايشبه غيـــر بسهيل اليماني
................... مير ياكثر السباع الي على دربه تحوفه

وعشر ابو فيصل لايمكن ترجع وتصبح ثماني
.................. دامه الي ياوجوه الخير نادرتن وصوفه

قالها ابن سعود من راسه ومكنون المعاني
......................وصلوها لصحيب الي على المسرح نشوفه

وهذا ردي على الشاعر: عبدالرحمن سعود

الله الله ياهواجيس الشعر واطلق معاني
....................والله الله ياقصيدن عذب كاملتن وصوفه
مرحبا بالشعر والشاعر له بقلبي مكاني
......................يعلم الله كانه اطويق المساما في وقوفه
هذا ابن سعود راعي باس ومعرب مجاني
...................شاعرن مطنوخ والمطنوخ تعجبني احروفه
طال عمرك لوخفاك العلم والله ماخفاني
................نوب احب الفرض موت ونوب من همه اعوفه
يابن عمي لايهمك ثرثري وانسان داني
........................رادين عزمه قليل الفود قافلتن بلوفه
علم الناقص وقله المثل قال الساني
......................السان احصان لا يرميه بسيل وجروفه
والسباع الي تقانب جوع من جور الزماني
.......................اي سبعن في طريق اتعشا من كتوفه
اسمع العلم الموكد يوم حركت الكياني
.......................فيه شين بالبحر ماكل غواصن يشوفه

صح لسانك
بيض الله وجهك قصيده جزله وابو سعود يستاهل

صح لسانك
بيض الله وجهك قصيده جزله وتقبلوا مروري على موضوعكم

صح لسانك
وبيض الله وجهك

شعرنا ابوسعود وابوفيصل
بيض الله وجيهكم على القصائد الجزله
والله لايهينكم
تحياتي لكم..

ابن بهلان عافاك الرحمن

صوت وصدى رائعين من شعراء اروع
صح الله السنتكم ملايين
لاعدمناكم في منتداكم

تحييييييياتي لك

صح الله لسانك يا بن بهلان

صح السسسسسنتكم وبيض الله وجيهكم

صح لسانك ومشكور