سر ياقلم / نواف حامد زاكي

سر يــاقلم ماعــاد بالوضـــع تفكيـــــر
وأكتب علــى بعض الـورق مانقــــوله
نويت أغنــي وأصخر القاف تصخيــر
وأغوص بحر الشعـر عرضه وطوله
أسري مع الهاجس بعيـــد المشاويــــر
وأرجـــع ليـاشفت العقــــــود محلوله
بعض المــواقف شـرها يسبق الخيـــر
والادمــــي نفســــه عليــها عجـــولـه
يتعب على الدنيـــا وجمــع الدنانيــــر
ويشقــى بها من بعــــد سن الطفـــوله
وينسى حقـــوق اللـــي بيده التدابيـــر
وعلى الخطا بالــــــوقت يشعب ذلوله
وأشرح لنايــف بالليــال المقاديـــــــر
قلب العنــــــاء نـــزاع الأرواح حوله
راحت رجــال(ن) في زمنا مشاهيـر
المــوت مايـــرحم بلحظـــة وصـــوله
وعن شهرة المخطي وكثر الجماهير
أستغفــــر الله وأقتـــدي في رســــوله
أدي حقـــوق الله وأســـر المناعيـــر
وأتعب ليـوم(ن) يرهب الخلق هـوله