ناصر مرسال ارحموا عزيز قوم هددوه بدم بارد

انقل لكم قصيده جديده للشاعر ناصر بن مرسال
اتمنى ان تعجبكم

إنفجر كوكب زحل يوم انفجر كوكب عطـارد

والنجوم اللي تطـارد غيـرت كـل الأماكـن

ياملائكة السمـاء والارض ماتشـرد شـوارد

قـدرة الله قـادره والـرب متمكـن وماكـن

هيه ياللي تلتفت وتقول لحقـو وانـت شـارد

كل كتفك من زهابـك كـل واقدامـك تشاكـن

قالوا الناس ابتسم للنـاس يـوم تمـر صاعـد

وانت عدت من الفضاء للأرض ماحركت ساكن

ياقضاة الحق يااصحاب المصـادر والمـوارد

تبت كفوف اليدين اللي علـى المركـا تراكـن

ارحمـوا عزيـز قـوم هـددوه بـدم بـاارد

ضيقوا صدره وقلبه مثل ضلع طويـق تاكـن

يانصيبي ماانت عن حسـد خلـق الله بناشـد

دف روحـي دفهـا قـداام لوالليـل داكــن

ماانت حاسد لكن انشيت الحسد في كل حاسـد

وانت ماانشيت الحسد عن قصد لا والله ولكـن

كم عمالقـة تـذل اقـزام بغيـااب المقاصـد

مثل ماذلت خيـام البـدو شامخـة المساكـن

كل شي في زمـان اليـوم متوقـع ووارد

لويقولـون الجبـال الصـم بالالسـن تحاكـن

والله اني لأشعل القنديـل مـن هـذا وصاعـد

لوعيون اهل الحسد من شدة الصدمه تباكن

وابني المسكن على كوكب زحـل وإلاعطـارد

وان فقدت الاكسجين اموت وتعيـش المساكـن