قصيدة الشاعر منصور فرحان الرشيدي

[poem=font=",6,,normal,normal" bkcolor="transparent" bkimage="" border="none,5," type=0 line=0 align=center use=ex num="0,black""]الــعـام كنـت اداري الخشم والـعيـن=واليـوم ماللخشم والعيـن داعي
ماني بلاقيٍ لي رفيقٍ على الدين=اخر قرار اصير رجل اجتماعي
اقضي فراغي بين عاقل ومسكين=وامرٍ لغير الله ماهو مطاعي
اخذت من كثر التجارب براهين=مافيه بالدنيا هجومي دفاعي
وحطيت من دون الحبايب حبيبين=ونقصّت من حقي ووفيت صاعي
اقدر الخوه واخسر الملايين=وامشي بليّا رغبتي واقتناعي
وان حل طاري للخوي عند الأدنين=اعبر الخوه والاسم الرباعي
وان جابوا اسمه قلت والله ونعمين=هذاك مثله ينشرى مايباعي
وادمح له الزلات وحده وثنتين=واربع وخمس وست من دون اراعي
من شيمته لو ان ربعه رديين=ما اريد اقابلهم بمنطق صناعي
واثق ثقه ماوثقت بين الاخوين=بس النهايه صار هذا ضياعي
واليوم شفت ان الحبايب رخيصين=وقررت عن بعض لامور امتناعي
كل الامور الماضيه بين قوسين=تبقى وانا يبقى ذرايه شراعي
اصك بابي واترك الزين والشين=مادام صك الباب ينهي نزاعي
ماني ضعيف ولاجدودي ضيفين=والسالفه محزم تمسه ذراعي
وان دار فنجال الرجال الحشيمين=شربت فنجال الكريم الشجاعي
واليا شبرت الشبر زدته بشبرين=وان مدت الابواع مديت باعي
وان كان بالمقسوم ناسٍ قنوعين=انا قنوع من الرجال القناعي
والله لو ما اجد بجيبي ريالين=غناتي اكثر من غناة الرفاعي
في قدرة الي في رجاه المصلين=نفنا وحنا من رفاع برفاعي
ماهمني هرج الحسود البغيضين=اسمي بديوان الرجوله يذاعي
والناس تدري مطلع الشمس من وين=يا ما على الحاقد يبين الشعاعي
والبوم ما جابت حرار وشياهين=والذيب ماتاكل عشاه الضباعي
[/poem]
الشاعر /فرحان بن منصور المطيبري