الشاعرصالح معينان يوم غنا العود والقاف استواله

يوم غنا العود والقاف استواله
الحليفه جيتها وارتاح بالي

رحت لامن الطرق من شان الرساله
ودي ارسل صورتي نيت عيالي

وجيت واحد منهم قال ياحي فاله
قالي اقلط يارجل عند الدلالي

ويوم شاف الزرف في يمناي شاله
قال تبشر بالسعد قبل السؤالي

للمواطن والوطن حنا ارجاله
استرح يالعود في وسط الضلالي

بيض الله وجه من حاش الجماله
اسم ضيف الله محمد بالبدالي

قبل انا بكتب عن الشعر استقاله
مير شفت الطيب تفعله الرجالي

درجن واستدرجن مثل المحاله
وجالهن بالصدرجوله واجتوالي

مثل نو ناشين ركز اخياله
كل مابدربه من الوديان سالي

القصيده قلتها صيفة احواله
فصحتاً ماهي مثل لالي يلالي

الكلام الزين يكفي عن اطواله
يذكرونه كل ماحل المجالي

كلهم عندي لهم قدر وجلاله
قسم لـ الاقصى وقسم للموالي

شاب راس العود من وقتً مضاله
والليالي بين ميلً واعتدالي

مثل من يطلب على راعي الوكاله
ان ركبني حق ادفع من حلالي

مقصدي مالي هدف ولا حفاله
اسمحولي ياكريمين السبالي


الشاعرصالح عبدالله العويمري الرشيدي
الملقب بأسم معينان رحمه الله