موال الشاعر سليمان محياء وزايد ابن عدله

السلام عليكم ورحمة الله وبركاته
اخواني اعضاء منتديات قبيلة العوامره حبيت انقل لكم موال بين مبدعين من شعراء القبيله زايد ابن عدله وسليمان محياء من حفل زواج حمد محمد المظيبري في قرية الفقي _ انبوان يوم الخميس 7/3/1432 0 المحاوره رباعيه كان الطرف الاول الشاعر مصلح سحيمان والشاعر سليمان محياء والطرف الثاني الشاعر محمد العازمي والشاعر زايد ابن عدله ولكن انقل لكم موال زايد ابن عدله وسليمان محياء

سليمان محياء
السماء صافي ولافيها خيال
والكلام يروح من خلف الخيال
يالالاله يالالاله يالالال
والدواء موجود يالقلب الجريح
تعبنا وتعّبنا خيار التفاكير==عرفت الامير ولا عرفت الاميره

زايد ابن عدله
انت ياسليمان شاعر ماعليك
مير وسط النار لاتبسط يديك
من يبيعك يافتى مايشتريك
والدواء موجود يالقلب الجريح
اليا جاك عنتر عبس ياسالم الزير==يبى ينقرك تنقير ويدق زيره
سليمان محياء
انت شاعر ماعرفتك من قديم
غير هذا العام في تال الحميم
عوذ بالله منك يابليس الرجيم
والدواء موجود يالقلب الجريح
تناقض كلامك وش معك خير ياطير==من ابلادك ابعد فيك راع الحفيره

زايد ابن عدله
ماتعرفني لان توّ انك طلعت
بالملاعب توّ عمرك ماشفعت
العرب شبعانةً وألا انت جعت
والدواء موجود يالقلب الجريح
اليا صرت ياسليمان تملك دنانير==تصدق على بعض الوجيه الفقيره

سليمان محياء
يفرق الميدان مافيها كلام
كان في خشمك يابن عاتي عرام
والوعد قدام يافريخ الحمام
والدواء موجود يالقلب الجريح
انا شايفك شاعر تصف الطوابير==تسوق القدم ماتخاف صوب السعيره
زايد ابن عدله
ياسلام الله على علمك سلام
آخر الايام قلّ الاحترام
كثرت فروخ الحباري والنعام
والدواء موجود يالقلب الجريج
عسى الله يفكك من صدوف المقادير==وتبقى لربعك ذخر ياخو عميره
============================